Diskriminanto

Ne konfuzu ĉi tiun artikolon kun Determinanto.

En matematiko, la diskriminanto de polinomo estas kvanto, kiu dependas de la koeficientoj de la polinomo kaj determinas diversajn ecojn de ties radikoj. Ĝi estas ĝenerale difinata kiel polinoma funkcio de la koeficientoj de la origina polinomo. La diskriminanto estas vaste uzata en faktorado de polinomoj, nombroteorio, kaj algebra geometrio. Ĝi estas ofte indikata per simbolo $\Delta$ (aŭ $D$).

Influo de la diskriminantosigno sur la reelajn radikojn (aŭ, koncerne flavan kurbon, sur ties maleston) por duagradaj polinomoj kun reelaj koeficientoj.

La diskriminanto de la duagrada polinomo $ax^{2}+bx+c\,$ kun a ≠ 0 estas:

$\Delta =b^{2}-4ac$,

t.e. la kvanto, kiu aperas sub la kvadrata radiko en la kvadrata formulo.