Entremont (distrikto)

La Distrikto Entremont estas administra unuo de Kantono Valezo. Ĝi havis 14410 loĝantojn la 31-an de decembro 2012. Ĝia ĉefloko estas la komunumo Sembrancher.

Distrikto Entremont
Blazono de la distrikto Entremont
Sovereu Bagnes, Distrikto Entremont
Mapo de la distrikto Entremont
Distriktoj de Kantono Valezo
Kantono	Valezo
Ĉefloko	Sembrancher
Geografia situo	CH1903: 587185 / 101140 (mapo)46.0616666666677.2730555555556 f1
Nombro de loĝantoj	14410  (2012-12-31)
Areo	633,2 km²
Loĝantardenseco	22,8 loĝantoj/km²
Federacia Kodo	2303

Geografio

La Distrikto Entremont etendiĝas en la tri fontvaloj de la rivero Dranse, nome la Valdo de Bagne, la Valo de Entremont kaj la Valo de Ferret. La distrikto en sudo limas al Italio kaj en okcidento al Francio. En sudokcidento situas la trilanda punkto inter Svislando, Italio kaj Francio. En sudo la montopasejo Granda Sankt-Bernardo konektas Valezon kun la Valo de Aosta.

Komunumoj de la distrikto Entremont

La distrikto Entremont konsistas (stato en 2011) el 6 komunumoj, el kiuj la komunumo Bagnes estas la plej granda. Jen la listo:

Blazono	Nomo	Loĝantoj (2011-12-31)	Areo en km²	Komunumkodo
	Bagnes	7807	282.2	6031
	Bourg-Saint-Pierre	219	90.2	6032
	Liddes	743	60.2	6033
	Orsières	3072	165.0	6034
	Sembrancher	891	17.7	6035
	Vollèges	1678	17.9	6036
Totale	6	14410	633,2	2203

Historio

Jam en la romia epoko la montopasejo Granda Sankt-Bernardo estis signifa transirejo trans la Alpoj. Dum mezepoko la regiono unue apartenis al la reĝolando Burgonjo kaj poste al Savojo. Entremont unue estis parto de la Voktejo Chablais sub la kontrolo de la subvokto de Chillon. En la jaro 1279 ĝi fariĝis kune kun Saxon Nova subvoktejo kun sidejo en Sembrancher. En la jaro 1475 la Valezaj Dekonoj konkeris la Suban Valezon kaj Entremont fariĝis valeza kolonio sub la rekta regado de la kamparvokto de Saint-Maurice. En 1798 ĝi fariĝis unu el la 12 valezaj distriktoj en la Helveta Respubliko kaj de 1802 ĝis 1810 en la Respubliko Valezo. De 1810 ĝis 1813 ĝi estis kantono de la franca Departemento Sempiono. En 1815 ĝis fariĝis dekono kaj ek de 1848 distrikto de Kantono Valezo.