Malfermi la ĉefan menuon
Tie ĉi ankaŭ la latinlingva elsendo Erfordia Latina faratas

Erfordia Latina (laŭvorte: Latina Erfurto) estas la titolo de dulingvaj elsendoj de Radio F.R.E.I. el Erfurto, nome en la germana kaj en la latina: la pli granda parto estas en la lingvo de la antikvaj Romianoj. Intenco estas prezenti la buntecon de la tradiciriĉa ĉefurbo de Turingio kaj la latinlingvan kulturon, sed ankaŭ propagandi la uzon de la latina lingvo kiel viva lingvo.

Historio kaj elsendohorojRedakti

Komenco de la elsendoj estis en julio 2015[1]. En ĉiu dua merkredo eblis aŭskulti latinaĵojn inter la horo 16.00-16.15 laŭ mezeŭropa (somera) tempo. Eblas ankaŭ per podkasto reaŭdi ĉion kaj eĉ elŝuti la tekstojn de sur la retpaĝaro radistacia.[2] Inter julio 2015 kaj januaro 2019 la elsedoj estis eĉ ĉiusemajnaj. Ekde oktobro 2019 la latinlingva elsendo estas enkorpigita en la Esperanta-elsendo Turingio Internacia plenigante la lastan kvaronan horon.

EnhavoRedakti

Jen la rubrikoj kiuj en la kuro de unu monato alterne aperu:

  • Nova: Novaĵoj el la regiono erfurta
  • Angulus librorum: prezento de latinlingva literaturo el 2 jarmiloj
  • Thuringiensia: sciindaĵoj pri Turingio (ekz. geografio, historio, kutimoj kaj moroj, personuloj, arkitekturo)
  • Colloquia Latina: koncerne diversajn temojn pliriĉiĝu la propra vorttrezoro latina
  • Angulus Graecus: etinformoj en la malnovgreka lingvo

VastigoRedakti

La elsendo tute ne estas nura retradio, sed ankaŭ per anteno sur ultrakurtaj ondoj kaptebla. Tiel la produkto ne nur estas io por la relative eta celgrupo de jam entuziasmiĝintaj latinistoj sed flanke ankaŭ propagandilo por la viva kaj moderna uzo de la latina lingvo.

NotojRedakti

Eksteraj ligilojRedakti