Fabian Zamenhof (avo de Ludoviko)
avo de Ludoviko
Ŝroga-Fajvel ZAMENHOF (ankaŭ Fajba Wolfowicz ZAMENHOF, per "kristana" aŭ goja nomo Fabian Zamenhof) (naskiĝis ĉirkaŭ 1807[1], mortis la 28-an de marto 1861) estis la patro de Marko Zamenhof kaj la avo de L. L. Zamenhof. Laŭ LLZ li estis tradukisto kaj instruisto de lingvoj[2], tamen la naskiĝatestilo de Marko Zamenhof pruvas, ke li ne kapablis legi[3]. Meze de la 19-a jarcento li venis el Grodno al Tykocin, kiu estas malgranda urbeto apud hodiaŭ-pola urbo Bjalistoko. Poste, verŝajne en 1858, la familio translokiĝis al Bjalistoko, kie en 1859 naskiĝis lia nepo L. L. Zamenhof.
| Fabian Zamenhof | |
|---|---|
| Persona informo | |
| Naskiĝo | 30-an de novembro 1806 en Hrodno,  Rusia Imperio
|
| Morto | 28-an de marto 1861 (54-jaraĝa) en Tykocin |
| Ŝtataneco | Rusia Imperio 
|
| Familio | |
| Infano | Marko Zamenhof
|
- Tiu ĉi artikolo temas pri la avo de L. L. Zamenhof. Por aliaj homoj de tiu nomo, vidu ĉe Fabian Zamenhof.
Referencoj
redakti- ↑ En 1837, laŭ la naskiĝatestilo de Marko (Motel) Zamenhof, li havis 30 jarojn.
- ↑ Poŝtkarto de LLZ al Teodor Čejka sendita el Varsovio la 28an de februaro 1906: Miaj avo kaj patro estis instruistoj de lingvoj.
- ↑ Naskiĝatestilo de Marko (Motel) Zamenhof: ĉi tiun akton oni legis al la veninto kaj la atestantoj, kiuj deklaris, ke ili ne kapablas legi.
