Federacia Konsilio (Aŭstrio)

La Federacia Konsilio - germane Bundesrat - estas la dua ĉambro de la parlamento de Aŭstrio. Ĝi konsistas el 62 parlamentanoj. Kontraste, la unua parlamenta ĉambro estas la Nacia Konsilio - germane Nationalrat - kun 183 parlamentanoj. Ambaŭ konsilioj estas memstaraj institucioj. Komune ili kunsidas en specialaj kazoj kaj tiam kune nomiĝas "Federacia Kunveno" (germane Bundesversammlung. La Federacia Kunveno havas kelkajn gravajn konstituciajn rajtojn, ekzemple la nomumon de la ŝtata prezidento aŭ la rajton deklari militon al alia nacio.

Federacia Konsilio
germane Bundesrat
Parto de	Parlamento de Aŭstrio
Tipo	Supra ĉambro
Balot-tipo	Nerekta elekto
Nombro	61 konsilianoj
Partioj	 SPÖ (21)  ÖVP (22)  FPÖ (16)  Senpartiuloj (2)
Sidejo	Parlamentejo de Aŭstrio, Vieno
TTT-ejo	parlament.gv.at

Federacia Konsilio (Aŭstrio)
supera ĉambro representation of states in a federal system vd
Dum	10-a de novembro 1920 - nekonata/nuntempe
Geografia situo	48° 12′ 29″ N, 16° 21′ 30″ O (mapo)48.20811111111116.358305555556
Federacia Konsilio (Aŭstrio) (Vieno) DEC Federacia Konsilio (Aŭstrio)
Sidejo	Parlamento de Aŭstrio
Lando(j)	Aŭstrio
Partoj Partoj member of the Austrian federal council vd
Retejo	Oficiala retejo

kunsida salono de la Federacia Konsilio

En la Federacia Konsilio kunvenas reprezentantoj de la federaciaj landoj de Aŭstrio. La instucio ne konfuziĝu kun la Federacia Konsilio de Germanio, kiu germane ankaŭ nomiĝas kaj same kunvenigas reprezentantoj de la tiulandaj federaciaj landoj. Kontraste al la parenca parlamento en Germanio, la anoj de la Federacia Konsilio de Aŭstrio povas voĉdoni laŭ persona juĝo, do ne estas ligitaj grupe voĉdoni laŭ frakcioj aŭ la federaciaj landoj.

Praktike la dua parlamenta ĉambro havas malmultan potencon dum la kreado de novaj leĝoj: En la plej multaj kazoj la Federacia Konsilio nur havas la eblon bloki leĝojn deciditajn de la Nacia Konsilio, kvankam la Nacia Konsilio en tiu kazo havas la eblon malvalidigi tiun blokon per speciala "persista decido" ("Beharrungsbeschluss").

Absolutan rajton bloki leĝojn la Federacia Konsilio havas en la sekvaj kazoj:

• se konstituciaj leĝoj kaj reguloj limigas la kompetentecon de la federaciaj landoj,
• se leĝoj tuŝas la rajtojn de la Federacia Konsilio, kaj
• se internaciaj kontraktoj, kiujn Aŭstrio subskribu laŭ la volo de la Nacia Konsilio, limigas la memstaran agadkampon de la federaciaj landoj.

Aliflanke pri iuj leĝoj la Federacia Konsilio eĉ ne havas limigitan rajton bloki leĝojn; ekzemplo estas leĝoj prifinancaj.

Konsisto

La nombroj de la parlamentaj seĝoj po federacia lando fiskiĝas post ĉiu nacia censo laŭ la nombro de enloĝantoj de la unuopaj landoj - po lando temas pri minimume tri kaj maksimume 12 seĝoj. La prezidanton de la Federacia Konsilio por po ses monatoj nomumas la plej granda frakcio de unu federacia lando post la alia.

Disdivido de la parlamentaj seĝoj en la Federacia Konsilio

laŭ partioj

partioj	entute	SPÖ	ÖVP	Verduloj	sen frakcio 1		regantaj	opoziciaj
seĝoj	62	29	26	4	3		55	7

1) el ili 2 BZÖ kaj 1 FPÖ (liberaluloj)

laŭ federaciaj landoj

parlamentejo en la viena strato Ringstraße

	Entute	SPÖ	ÖVP	Verduloj	sen frakcio 1
Burgenland	3	2	1	-	-
Karintio	4	2	-	-	22
Malsupra Aŭstrio	12	4	7	1	-
Supra Aŭstrio	11	5	5	1	-
Salcburgio	4	2	2	-	-
Stirio	9	5	4	-	-
Tirolo	5	1	3	1	-
Vorarlberg	3	1	2	-
Vieno	11	7	2	1	13
kune	62	29	26	4	3

1) el ili 2 BZÖ, 1 FPÖ 2) BZÖ 3) FPÖ

Kritiko

La aŭstroj diskutas, ĉu la dua parlamenta ĉambro en sia nuna formo havas sencon. Iuj volas malfondi ĝin, aliaj grave plialtigi ĝiajn kompetetencojn. En sia momenta formo, en kiu ĝi nur povas plejparte ne malebligi, sed nur prokrastigi leĝojn de la unua parlamenta ĉambro, la dua ĉambro ne vere plenumas la takson esti la voĉo de la regionaj interesoj dum kreo de tutlandaj leĝoj.

Referencoj

Eksteraj ligiloj

• tridimensia vidaĵo de la kunsida salono