Francisco Máñez Sánchez
Francisco MÁÑEZ SÁNCHEZ (elp. fransisko manjez sanĉez) estis hispana esperantisto.
| Francisco Máñez Sánchez | |
|---|---|
| Persona informo | |
| Naskiĝo | 20-an de majo 1888 |
| Morto | 30-an de novembro 1968 (80-jaraĝa) en Cheste |
| Lingvoj | hispana • Esperanto |
| Ŝtataneco | Hispanio |
| Okupo | |
| Okupo | esperantisto • politikisto • kamparano |
Biografio redakti
Li naskiĝis la 20an de majo 1888 en Cheste. Esperantisto de 1907.
Por altiri la atenton de la samvilaĝanoj al la nova ideo, li skribis leterojn kaj poŝtkartojn al fremdaj E-istoj, al kiuj li rekomendis la adreson de la kafejo, kie li kutime iris en Cheste kaj efektive la amikoj kaj klientoj de tiu kafejo scivoleme demandis al li pri tiu korespondado kaj tiamaniere li altiris la atenton de siaj samvilaĝanoj, ke baldaŭ li starigis EG-n.
Li estis ano de la komitato por gastigo de aŭstraj infanoj en Hispanio, post la Unua Mondmilito, pere de Esperanto.
Agnoskoj redakti
Strato en Cheste havas lian nomon.
La historiisto José Vicente Castillo verkis en 2023 lian biografion, kun titolo Una estrella verde en las trincheras - Autobiografía apócrifa de Francisco Máñez, eldonitan de la Urbestraro de Cheste [1].
