Kronokolombo

La genro Goura, Stephens, 1819, konsistas el kvar specioj de kronkolomboj, alia nomo por tiu genro. Ili estas la plej grandaj membroj de la familio de Kolombedoj. La tri kronkolomboj estas tre similaj kaj unu anstataŭas alian geografie.

Kiel legi la taksonomion Kronkolomboj
Sklatera kronokolombo, Goura scheepmakeri
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Kolomboformaj Columbiformes Familio: Kolombedoj Columbidae Genro: Kronokolomboj Goura Stephens, 1819
Aliaj Vikimediaj projektoj

Aspekto

Temas pri grandaj kolomboj bluecaj, pli malhelaj ĉe okulstrio kaj brusto (malhelpurpura) kaj pli helaj ĉe kapo kaj vostopinto. La plej rimarkinda eco, kiu nomigas la genron komune, estas granda kresto de preskaŭ travideblaj plumoj escepte punktajn plumopintojn, kiu donas aspekto de ŝaŭmo.

Taksonomio

La filogenetiko de kronkolomboj ne estas ankoraŭ bone solvita. Kelkaj molekulaj analizoj jam estis faritaj (ekz. Johnson, 2000), kaj unu (Shapiro et al., 2002) sugestas, ke kun la Nikobara kolombo kaj la Dentobeka kolombo de Samoo, la kvar kolomboj Goura apartenas al grupo de kie la malbonŝanca Dido kaj la Rodrigesa ermitkolombo estis branĉa genlinio, sed depende el kiu genetika sekvenco estas analizita, la lokigo de la kronkolomboj diversas. Ili povus aparteni al la subfamilio Treroninae de fruktokolomboj, sed kutime ili estas traktataj kiel propra subfamilio, nome la Gourinae.

Kutimoj

Ili estas indiĝenaj de Nov-Gvineo kaj ĉirkaŭaj insuloj. Ili manĝas sur la arbara grundo falitajn fruktojn, semojn kaj helikojn. La masklo kaj la ino estas preskaŭ identaj, sed dum la pariĝado la masklo kveras kaj kapinklinas por la ino. Ambaŭ gepatroj kovos la ununuran ovon dum 28 ĝis 30 tagoj kaj la ido elnestiĝos post pliajn 30 tagoj. La vivaveraĝo povas esti ĝis 20 jaroj.

Specioj

• Okcidenta kronokolombo, Goura cristata, nordokcidenta Nov-Gvineo
• Suda kronokolombo, Goura scheepmakeri, sudorienta Nov-Gvineo
• Sklatera kronokolombo, Goura sclaterii, suda Nov-Gvineo
• Viktoria kronokolombo, Goura victoria, norda Nov-Gvineo

Referencoj

• Johnson, Kevin P. & Clayton, Dale H. (2000): Nuclear and Mitochondrial Genes Contain Similar Phylogenetic. Signal for Pigeons and Doves (Aves: Columbiformes). Molecular Phylogenetics and Evolution 14(1): 141–151. PDF plena teksto Arkivigite je 2011-05-18 per la retarkivo Wayback Machine
• Shapiro, Beth; Sibthorpe, Dean; Rambaut, Andrew; Austin, Jeremy; Wragg, Graham M.; Bininda-Emonds, Olaf R. P.; Lee, Patricia L. M. & Cooper, Alan (2002): Flight of the Dodo. Science 295: 1683. COI:10.1126/science.295.5560.1683 (HTML resumo) Kroma informo