Helmut Sonnabend
Helmut Sonnabend (naskiĝis la 3-an de septembro 1924, mortis la 6-an de decembro 1986 en Germanio) estis prezidanto de ILEI (Internacia Ligo de Esperantistaj Instruistoj) dum pli ol dek jaroj. Ankaŭ la Asocion de Germanaj Esperanto-Instruistoj (AGEI) li gvidis.
| Helmut Sonnabend | |
|---|---|
| Persona informo | |
| Naskiĝo | 26-an de februaro 1924 |
| Morto | 6-an de decembro 1986 (62-jaraĝa) |
Profesie lernejestro, li dediĉis sian Esperanto-karieron al problemoj de instruado; krom multaj konferencoj kaj similaj eventoj organizitaj de li, li postlasis unu libron, Esperanto: Lerneja eksperimento (Edistudio, 1979).
Sonnabend estis rektoro de lernejo en antaŭurbo de Brunsviko. Li agadis kiel ĉeforganizanto de la 50-a Germana Esperanto-Kongreso en 1972 en Brunsviko. Ĝis 1974 li estis estrarano de GEA.
Honorigo
redaktiDum la 84-a Germana Esperanto-Kongreso en 2006 unu el la kunvensalonoj nomiĝis laŭ li.[1]
Referencoj
redakti- ↑ LKK (eld.):83-a Germana Esperanto-Kongreso Braunschweig 2006. Jubileo de GEA 1906 - 2006. Braunschweig 2006, p. 14.
Eksteraj ligiloj
redakti- Libroj kaj aliaj dokumentoj[rompita ligilo] de kaj pri Helmut Sonnabend en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
