Diamanta Ligo
La Diamanta Ligo, aŭ en angla IAAF Diamond League, estas ĉiujara serio de atletikaj kaj kampaj konkurencoj okazantaj el 2010 antaŭen, komence per la IAAF Diamanta Ligo de 2010.[1] Ĝi estis desegnita por anstataŭi la Oran Ligon aŭ IAAF Golden League, kiu estis okazinta ĉiujare ekde 1998.
| Diamanta Ligo | |||||
|---|---|---|---|---|---|
| Samsung Diamond League | |||||
| |||||
| |||||
| turniro • ripetiĝanta sporta evento | |||||
| Komenco | 2010 vd | ||||
| Antaŭe | Ora Ligo vd | ||||
| |||||
| Retejo | Oficiala retejo | ||||
Temas pri jara serio da malpezatletikaj renkontiĝoj organizitaj de Internacia Asocio de Atletikaj Federacioj (IAAF); ĝi kreiĝis por allogi atletikon kaj plibonigi efikecon de sportistoj tutmonde. Ĝi klopodas konkurenci kontraŭ Olimpiaj Ludoj, precipe rilate ties komercan valoron. Atletoj, kiuj jare gajnas plej da poentoj dum sep elprovoj de sia sportfako, gajnas premiojn kun kroma kondiĉo: partopreni en finalo de sia responda fako.
Dum la Ora Ligo estis formita por pliigi la profilon de la ĉefaj atletikaj konkurencoj de Eŭropo, la celo de la Diamanta Ligo estas "plibonigi la tutmondan allogon de atletiko ekster Eŭropo por la unua fojo."[2] Aldone al la originaj membroj de la Ora Ligo (escepte Berlino) kaj aliaj tradiciaj eŭropaj eventoj, la serio inkludas eventojn en Ĉinio, Kataro, Maroko, kaj Usono.