Ivanhoé Rodrigues Baracho
IVANHOÉ Rodrigues BARACHO (Areia-Paraibo, la 6-an de marto 1928 - Campinas, la 3-an de decembro 2019) estis brazila biologo kaj aktivulo por Esperanto.
| Ivanhoé Rodrigues Baracho | ||
|---|---|---|
| ||
| Persona informo | ||
| Naskiĝo | 6-an de marto 1928 en Areia | |
| Morto | 3-an de decembro 2019 (91-jaraĝa) en Campinas | |
| Ŝtataneco | Brazilo  vd
| |
| vd | Fonto: Vikidatumoj | |
Diplomita en 1955 pri Agronomio ĉe Escola de Agronomia do Nordeste en la naskurbo, en 1967 li ekinstruis en la Universitato de Braziljo (UnB). En la sekva jaro li magistriĝis ĉe Universitato de San-Paŭlio (USP) per studo pri la multobliĝo de Aspergillus nidulans (Eidam) Winter, sub la orientigo de João Lúcio de Azevedo. En 1969 li doktoriĝis ĉe la Universitato de Campinas (Unicamp) per disertacio pri la sekseco en tiu sama estaĵo Aspergillus nidulans.
En 1970 li transloĝiĝis al Campinas por fariĝi profesoro en la Instituto pri Biologio de Unicamp. En 1978 li tie iniciatis esperantistan grupon, kiu funkciis ĉe la universitata Departemento pri Genetiko por instruado de la lingvo. Li poste komisiis kaj superrigardis siajn studentojn okazigi kursojn en aliaj institutoj, kiel tiu pri Fiziko. En 1987 li aperigis la malgrandan sciencan revuon Hodiaŭa Genetiko, kun artikoloj pri Simbola Biologio, Genetiko k.s.
Post la emeritiĝo en 1995, li plu dediĉis sin al la publikigo de libroj pri la origino de la vivo, pri Simbola Biologio, pri Genetiko kaj pri demonstrado de la Lasta teoremo de Fermat, ĝis sia forpaso en 2019.