Jan Jacobs

Jan Jacobs [jakops] (naskiĝis la 2-an de januaro 1885 , mortis la 23-an de oktobro 1971) estis flandra Esperantisto el Antverpeno. En 1911 dum la sepa Universala Kongreso, li havis la privilegion paroli kun L.L. Zamenhof .

Jan Jacobs
Esperanto-aktivulo, lingvo-instruisto kaj bestoprotektisto
Persona informo
Naskiĝo	1885 en Duffel
Morto	1971 en Antverpeno
Lingvoj	Esperanto
Nacieco	belgo (flandro)
Ŝtataneco	Belgio
Okupo
Okupo	esperantisto

Laŭprofesie profesoro de lingvoj, Jan Jacobs estis prezidanto de la "Antverpena Esperanto Propaganda Komitato"; antaŭe li estis prezidanto de la iama tre aktiva grupo "La Suda Lumo" , "Geinstruistoj-Esperantistoj" kaj "Flandrema Grupo Esperantista". En kunlaboro kun tri gekolegoj li verkis kurson por memlernado de Esperanto. Krom tio li faris multajn kursojn kaj paroladojn pri kaj en Esperanto. Gesinjoroj Jacobs partoprenis en dek Universalaj Kongresoj. Jan Jacobs ludis gravan rolon en la loka kaj internacia movado por bestprotektado, kaj estante la unua vicprezidanto de tiu organizaĵo, li preterlasis neniun okazon por akceli la uzadon de Esperanto en la internaciaj kunvenoj.

Jan Jacobs estis membro kaj fakdelegito de Universala Esperanto-Asocio.

Ankaŭ lia edzino, kiu mortis en 1968, estis vigla esperantistino .

Bildaro

• 
• 
• 
  Bulteno redaktita de Jan Jacobs.
• 
  Ora geedziĝo de gesinjoroj Jan Jacobs en majo 1962.
• 
  Slipo el la FelixArchief, Antverpeno
• 
  Slipo el la FelixArchief (arĥivaĵo 2233-267)
• 
  Subskribo de Jan Jacobs
• 
  Libro el la libraro de Jan Jacobs
• 
  Libro el la libraro de Jan Jacobs
• 
  De kaj pri Jan Jacobs (eksa Fondaĵo Vanbiervliet, Kortrejko)
• 
  Internacia Pedagogia Revuo, 1912
• 
  Internacia Pedagogia Revuo, 1912
• 
  APPKO-kurso, Antverpeno, 1929

Vidu ankaŭ

• Frua Esperanto-gazetaro

Bibliografio

• Jabobs, Jan 1939 : Antwerpen, la historia belga urbo de Esperanto, in : Xa Jubilea Kongreso de Flandra Ligo Esperantisto, pp. 80-91.