Jewdas
Jewdas ("Jud-aso," t.e., vortludo inter la anglaj vortoj por judo kaj Judaso) estas jud-diaspora grupo bazita en Londono. Ĝi priskribas sin kiel radikala kaj estis priskribita de The Jewish Chronicle kiel "jud-diaspora grupo, konata pro sia ekstrem-maldekstra kontraŭcionismo".[1] Ĝi havas retejon kun satiraĵoj kaj listo de rimedoj, kiuj inkludas ligilon al lernu.net por "lerni la grandan internacian lingvon, la profunde judan kreaĵon de Ludwik Zamenhof." Ĝi faras eventojn en Londono kaj aliloke.
Jewdas priskribis sian ideologion kiel novbundisma kaj anarkiisma.[2][3] Ĉiuj reprezentantoj de la organizo uzas la kaŝnomon Geoffrey Cohen kiam ili parolas al la gazetaro.[4]