Nacia Historia Parko de la Ĉako-kulturo

(Alidirektita el Kanjono Ĉako)
Monda heredaĵo de UNESKO

La Nacia Historia Parko de la Ĉako-kulturo - angle Chaco Culture National Historical Park; pli frue Nacia Memorejo Chaco Canyon - estas historia nacia parko en Usono, en la sudokcidenta parto de Nov-Meksiko, proksime de la urbo Farmington. Oni fondis tie en 1907 nacian memorejon kaj en 1980 nacian historian parkon.

la kivao de la komplekso Ĉetro Ketl

La parko havas la areon de 137 km² kaj plenigas kanjonon, kiun dividas la akvosulko de Chaco kaj Gallo. La parko entenas 13 antaŭ-kolombajn indianajn ruinojn kaj pli ol 300 pli malgrandajn arkeologiajn trovejojn, kiuj venas el la flora epoko de la pueblo-epoko.

La plej granda kaj plej bone esplorita pueblo-trovejo estas Pueblo Bonito, kiun oni konstruis en la 10-a jarcento. Ĝi entenas 800 ĉambrojn kaj 32 kivaojn (subtera ceremonia kamero). La elfosadoj pruvas, ke la iamaj loĝantoj spertis en ilo-pretigo, teksado, agrikulturado kaj masonado. La trovitaj artobjektoj estas rigardeblaj en centra ekspoziciejo.

Vidu ankaŭRedakti