Kastelo de la grafoj de Modiko
La Kastelo de la grafoj de Modica (aŭ Kastelo de Alcamo) estas mezepoka kastelo situanta en la urbocentro de Alcamo, en la provinco Trapanio, Sicilio, suda Italio.
En 1340 la reĝo Petro la 2-a de Sicilio donis al Raimondo Peralta terram Alcami ed prefatum castrum Bonifati, sen iu ajn mencio pri la kastelo; fakte, ĝi estas citita, por la unua fojo, en diplomo de 1391. En ĉi tiu dokumento la Reĝo Marteno la 1-a konfirmis al Enrico Ventimiglia la koncesion faritan al sia patro, Guarnerio, de reĝo Frederiko la 3-a de la tero kaj la Castellu di Alcamu.
La konstruado de la kastelo estis komencita de la familio Peralta ĉirkaŭ 1340 kaj estis finita en 1350, sub la feŭduloj Henriko kaj Frederiko Chiaramonte; ĝi estis domego kaj defenda strukturo ĝis la 16-a jarcento. Se ekipita per municioj kaj manĝaĵoj, ĝi povus rezisti dum monato kaj duono.
En 1392 la reĝo Marteno kaj lia edzino estis gastigitaj en la kastelo post la malvenko de Chiaramontes, kaj la 1-an de septembro 1535 la imperiestro Karlo la 5-a, dum lia reveno de sia Tunizia venko, loĝigita en unu el liaj turoj kun lia kortego kaj la infantino Leonor de Aragono.
En 1534 la kastelo estis atakita de la islama pirato Barbarosa. De 1583 kaj ĝis 1589 ĝi havis tri restarigojn.
Ekde 1828, post kondamno de Tribunalo de Trapanio, la komunumo Alcamo ekposedis la kastelon kaj en la sekvaj jaroj ĝi estis uzata kiel sidejo de urbaj oficejoj, malliberejo kaj stalo.
En 1870 okazis alia restarigo. Post la lastaj restarigoj (faritaj inter 2000 kaj 2010), ĝi estis uzita kiel la sidejo de la Etnografia Muzeo kaj de la Historia Regiona Vina Provizo.