Laszlo Zinner
brazila esperantisto
Lazlo ZINNER estis brazila skulptisto, fariĝis membro de San-Paulo Esperanto-Klubo en 1949, kiam el Rio-de-Ĵanejro li instaliĝis en San-Paŭlo. Kvankam lia nomo ne aperas en listoj de estraranoj, lia pozitiva agado por nia afero estas evidenta, konstanta, konvikinga ĝis lia morto en la 20-a de julio 1977. Li estis organizanto de kulturkunvenoj ne nur en la Esperanto-klubo, sed ankaŭ en Universitato Mackenzie kie li laboris kaj en la municipa biblioteko de San-Paŭlo. Li kunhelpis en la oficiala Esperanto-kurso de urbo San-Paŭlo, daŭre klopodis enkonduki Esperanton en la lernejojn kaj restis kiel klarvida konsilanto, kiu ne perdis oportunon instigi la uzon de la lingvo.
| Laszlo Zinner | |
|---|---|
| Persona informo | |
| Morto | 20-an de julio 1977 |
| Lingvoj | Esperanto |
| Ŝtataneco | Brazilo |
| Okupo | |
| Okupo | esperantisto |
