Leĝdona iniciato
La leĝdona iniciato estas la potenco difinita de konstitucio, kiu ebligas proponi leĝojn. Leĝdona iniciato ofte estas atribuita al parlamentoj, kiuj en plej multaj landoj havas la povon fari proponojn aŭ sole aŭ kunhavante ĉi tiun rajton kun la registaro.
En parlamentaj sistemoj, ofte kaj la (ekzekutiva) registaro kaj la parlamento havas leĝdonan iniciaton, sed ĝi povas esti limigita al la registaro kaj la malalta ĉambro de parlamento, aŭ eĉ al registaro sole.
En kongresaj sistemoj, leĝdona iniciato restas ĉe la Kongreso, kiel en Usono. Tamen ĉi tio ne ekskludas la fakton, ke la ekzekutivo povas sugesti la enkondukon de iuj leĝoj al siaj aliancanoj en la Kongreso.