Montehermoso

Montehermoso (Belega monto) estas municipo de Hispanio, en la provinco Kacereso (Cáceres) kaj la regiono Ekstremaduro. La municipan nomon respegulas la blazono, kiu bildigas olivarban branĉon. Laŭ la stato de 2023 en la municipo vivis 5 619 loĝantoj sur areo de 96 kvadrataj kilometroj, kio rezultigas loĝdenson de 59 loĝantoj/km². La loĝantoj nomiĝas montehermoseños. Ili famas pro manfarado, kiel ĉe la ĉapoj de Montehermoso kaj la sonoriloj de Rivera, kaj pro ĝia folkloro, el kio elstaras fama festo Los Negritos de San Blas (La nigruletoj de Sankta Blazo).

Montehermoso
municipo en Hispanio vd
Flago	Blazono
Administrado
Lando	Hispanio
Regiono	Ekstremaduro
Provinco	provinco Kacereso
Komarko	Valo de Alagono
Poŝtkodo	10810
En TTT	Oficiala retejo [+]
Politiko
Urbestro	Carlos Javier Labrador Pulido
Demografio
Loĝantaro	5 619  (2023) [+]
Loĝdenso	59 loĝ./km²
Geografio
Geografia situo	40° 5′ N, 6° 21′ U (mapo)40.0883757-6.3495966 [+]
Alto	394 m [+]
Areo	96 km² (9 600 ha) [+]
Horzono	UTC+01:00 [+]
Montehermoso (Ekstremaduro) DEC situo en Ekstremaduro
Montehermoso (Hispanio) DEC situo en Hispanio kaj en tuta Iberio
Alia projekto
Vikimedia Komunejo Montehermoso [+]

Situo

Montehermoso estas situa en la norda parto de Ekstremaduro en la komarko aŭ distrikto Valo de Alagón, je altitudo de 394 m; je 90 km de Cáceres, provinca ĉefurbo kaj je 150 km de Mérida, la regiona ĉefurbo; samdistance estas Salamanko. La plej proksima urbo estas Plasencia, je nur 24 km. La areo de ties teritorio estas de 96 km².

Municipa teritorio

Mapo de la municipa teritorio de Montehermoso kaj la najbaraj.

La municipa teritorio de Montehermoso limas kun:

• Pozuelo de Zarzón nordokcidente.
• Aceituna norde kaj nordoriente.
• Valdeobispo kaj Galisteo oriente.
• Riolobos sude.
• Guijo de Galisteo okcidente.

Historio

La vilaĝo estis fondita kiel domaro de la senjorlando de Galisteo en la 13-a jarcento, sed oste finhavis pli da loĝantaro ol la ĉefurbo de la senjorlando. En 1837 sendependiĝis kun la resto de la municipoj de la senjorlando.

Ekonomio

Agrikulturo kaj brutobredado.