Muzeo Prinzesshof
La Muzeo Prinzesshof estas urba muzeo en la urbokerno de Itzehoe, Germanio. Ĝi prezentas daŭran ekspozicion pri la kulturhistorio de la distrikto Steinburg en la 19-a kaj la 20-a jarcentoj kiel ankaŭ ĉiam ŝanĝantajn elmontrojn pri kulturhistoriaj, regionhistoriaj, arkeologiaj kaj popolartaj temoj. Riĉaj muzeopedagogiaj ofertoj kompletigas la ofertojn.
| Muzeo Prinzesshof | |||
|---|---|---|---|
 | |||
palaco 
| |||
| Lando | Germanio vd | ||
| Situo | Itzehoe | ||
| Adreso | Kirchenstraße 20 | ||
| Koordinatoj | 53° 55′ 25″ N, 9° 30′ 58″ O (mapo)53.92379.516Koordinatoj: 53° 55′ 25″ N, 9° 30′ 58″ O (mapo) | ||
| |||
 Muzeo Prinzesshof | |||
Ĉambroj de la muzeo
redaktiBidermajra ĉambro
redaktiTie ĉi videblas multaj objektoj el la bidermajra epoko kaj meblaro kun martela piano; originala kafotablo invitas la vizitantojn al hejmeciĝo kaj identiĝo, aparte post kiam ili ĝuis interesan filmeton enkondukan je la enirejo al tiu ĉambro.
Tabakvendejo
redaktiLa ekipaĵo vendeja ĝis la 1987-a jaro ankoraŭ funkciis ĉe sia originala loko. Post la fermo de la vendejo la plej granda parto de la nemovebla ekipaĵo alvenis muzee. Laŭ la nuna aspekto ĝi estas la rezulto de laborpostulegaj restaŭradoj.
Fehrs-ĉambro
redaktiLa verkisto Johann Hinrich Fehrs, al kiu estas dediĉita tiu ĉi ĉambro, estas la nekontesteble plej grava platdiĉa poeto de la urbo. Estante instruisto kaj lernejestro laŭprofesie, li ankaŭ estis granda bonfarinto de la urbo.
Arĝentaĵoj
redaktiEn la supra etaĝo admidreblas produktoj de regionaj kaj fremdaj arĝentaĵistoj. Krom kuleroj je diversaj specoj prezentiĝas ankaŭ manĝilaroj kaj altarvazaro.
Industria historio
redaktiTie ĉi oni konfrontiĝas al la industria historio de la regiono. La cemententrepreno Alsen'sche Cement-Fabriken de Itzehoe servas kiel ekzemplo de historio industria. Alia fabriko en Lägerdorf montratas per rekonstruita laborista ĉambreto kaj originala ŝoforkupeo de enlanda ŝipo kaj multaj tekstoj enmerĝantaj onin en la laboristan ĉiutagan vivon.
Literaturo
redakti- Anita Chmielewski-Hagius: Das Kreismuseum Prinzeßhof in Itzehoe. En: Heimatverband Kreis Steinburg (eld.): Steinburger Jahrbuch]2003, Itzehoe 2002, p. 119–130.
- Hugo Schünemann: Das Heimatmuseum Prinzeßhof in Itzehoe. En: Heimatverband Kreis Steinburg (eld.): Steinburger Jahrbuch 1975, Itzehoe 1974, p. 45–83.
Eksteraj ligiloj
redaktiHejmpaĝo de la muzeo.[rompita ligilo]