Majuskloj rustikaj

(Alidirektita el Nesolena majusklo)

La majuskloj rustikaj estas stilo de majuskla skribo de literoj latinaj, kiu estis uzata de la 1ª ĝis la 9ª jc, plej multe inter la 4ª kaj la 6ª jc; iom post iom ĝin forpuŝis uncialo.

La majuskloj rustikaj evoluis el majuskloj monumentaj, kiel adaptaĵo por skribi librojn per kalamo kaj inko. La rustikaj literoj estas malpli larĝaj, ol la majuskloj monumentaj, iliaj formoj estas pli fleksaj, kaj la serifoj pli emfaze markas la bazlinion.