Nova israela siklo

valuto uzata en Israelo

La nova israela siklo (aŭ en alia vortordo israela nova siklo, foje esperantlingve ankaŭ nomata "ŝekelo", hebree שקל חדש, prononco ŝekel ĥadaŝ, plurale שקלים, ŝkalim, arabe شيقل جديد aŭ شيكل جديد, prononco ŝekel ĝadid, jide ניי שקל) estas la ŝtata valuto de Israelo. Unu siklo estas dividita je cent agoroj. La internacia valuta kodo laŭ la normo ISO 4217 estas ILS. Jam en la antikva epoko la siklo estis la historia valuto de la judoj. La moderna valuto hebree havas la simbolon ₪, kuntiraĵo de la literoj ש kaj ח, akronime nomata ש״ח‎ (prononcata "ŝaĥ"). Ĝi estas uzata ekde la 1-a de januaro 1986.

Nova israela siklo
Ŝtato: Israelo, Palestinaj teritorioj
Subdivido: 100 agoroj
Kodo laŭ ISO 4217: ILS
Mallongigo: , ש״ח
Ŝanĝokurzo:
(la 27-a de junio 2021)
1 usona dolaro = 3,25 ILS

1 eŭro = 3,88 ILS

Information icon.svg
vdr

Laŭ artikolo 4 de la Pariza Protokolo de 1994 [1], la nova israela siklo ankaŭ estas oficiala valuto en la Palestinaj teritorioj, sed ties registaro rajtas permesi la uzon ankaŭ de aliaj valutoj: En Cisjordanio la jordania dinaro estas multe uzata, kaj en la Gazaa Sektoro la egipta pundo.

Eksteraj ligilojRedakti


 
monbileto de 20 ŝekeloj