PostSomera KlaĉKunveno

PostSomera KlaĉKunveno (PSKK) estis junulara kaj familia Esperanto-renkontiĝo organizata de 1996 ĝis 2011 de FLEJA kaj NEJ en Benelukso. Ekde la jaro 2012 ĝian tradicion daŭrigas la renkontiĝo KKPS okazanta en Nederlando.

PSKK
Nomo	PostSomera KlaĉKunveno
Regiono	Belgio (Flandrio)
Periodo	aŭtuno
Organizanto	FLEJA
Ekzistas ekde	1996
Celgrupo	junularo kaj junaj familioj
Informa retpaĝo	PSKK-paĝo

Bazaj informoj

Lokoj

Dum en la unua periodo estis kelkaj PSKK-oj, kiuj okazis en Nederlando, poste ili okazas ĉiam en Belgio.

Datoj

Laŭ sia nomo, PSKK okazas post somero (sed ja antaŭ vintro), do en aŭtuno. La datoj de PSKK varias de jaro al jaro, sed ili estas de septembro ĝis novembro. Komenciĝo de PSKK estas en vendredo, kaj finiĝo en la sekva dimanĉo.

Programo

Dum PSKK oni interalie postĝuas la somerajn aranĝojn kaj antaŭĝojas la vintrajn. Estas interŝanĝo de fotoj, oni rakontas, prelegas, ktp. Pluraj eroj en la programo jam estas konsidereblaj tradiciaj, inter ili ekz. la ekskurso kaj la danckurso.

• Ekskursoj

Gvidata vizito al la urbo aŭ komunumo kie okazas PSKK.

• Distra

Danckurso de Bart Demeyere.

Listo de la PSKK-oj

PSKK	Jaro/Datoj	Urbo	Temo	Aliĝintoj
16a PSKK	2011-11-25/11-27	Olmen
15a PSKK	2010-10-15/10-17	Olmen
14a PSKK	2009-10-30/11-02	Zutendaal
13a PSKK	2008-10-31/11-02	Zutendaal
12a PSKK	2007-10-31/11-04	Zelem (Halen)		(72?) (>5 landoj)
11a PSKK	2006-09-22/24	Lokeren		45 (4 landoj)
10a PSKK	2005-10-21/23	Zutendaal		57 (7 landoj)
9a PSKK	2004-10-29/11-01	Ipro	Halloween	50 (6 landoj)
8a PSKK	2003-10-24/26	Namuro		50
7a PSKK	2002-09-20/22	Ronse		25
6a PSKK	2001-09-14/16	Essen
5a PSKK	2000-11-17/19	Beverlo (NL)
4a PSKK	1999-10-22/24	Nieuwpoort-Bad
3a PSKK	1998-10-16/18	Mol
2a PSKK	1997-10-10/12	Bennekom (NL)
1a PSKK	1996-10-18/20	Nijmegen (NL)

Vidu ankaŭ

• KlaĉKunveno PostSomera