Purullena
Purullena [puruĜEna] estas vilaĝo kaj municipo de la Aŭtonoma Komunumo Andaluzio, en la provinco Granada, sude de Hispanio. Ĝi estas en la centr-okcidenta parto de la komarko de Guadix, lime kun la municipoj granadaj Fonelas, Benalúa, Guadix, Marchal, Cortes y Graena kaj Darro.
| Purullena | |||
|---|---|---|---|
 | |||
| municipo en Hispanio | |||
|
|
| ||
| Flago | Blazono | ||
| Administrado | |||
| Poŝtkodo | 18519 • 18515 | ||
| Demografio | |||
| Loĝantaro | 2 313 (2023) [+] | ||
| Loĝdenso | 110 loĝ./km² | ||
| Geografio | |||
| Geografia situo | 37° 19′ N, 3° 11′ U (mapo)37.314722222222-3.1894444444444Koordinatoj: 37° 19′ N, 3° 11′ U (mapo) [+] | ||
| Alto | 908 m [+] | ||
| Areo | 21 km² (2 100 ha) [+] | ||
| Horzono | UTC+01:00 [+] | ||
| |||
| |||
| |||
|
| |||
| Alia projekto | |||
 Vikimedia Komunejo Purullena [+]
| |||
.svg)
.svg)
La municipo estas formata de la domarkernoj Purullena kaj El Bejarín. La municipa teritorio estas trapasata de la riveroj Alhama kaj Fardes, kun averaĝa altitudo de 908 msm kaj 2312 loĝantoj (2018).
Estas arkeologia kuŝejo en Cuesta del Negro. Tie estas fortikaĵo kaj nekropolo kaj setlejo de la Bronzepoko. Meze de la 1950-aj jaroj estis pli ol tri mil loĝantoj; nun nur pli ol du mil.
La agrikulturo kaj la ceramiko estas la ĉefa enzpezofonto. Aktuale la turismo devena de Guadix kaj Granado, kaj la komerco de potfarado -kiu perdis gravon post la inaŭguro de la aŭtoŝoseo A-92- subtenas la ekonomion de la municipo.
La maldungindico estas ĉirkaŭ 16% en virinoj kaj 20% en viroj en 2009, kongrue kun la provinca averaĝo. En la lastaj jaroj ekvidiĝis iniciatoj de bonkvalita vitokulturo kun aliaj lokoj proksimaj kiel Cortes y Graena, Darro kaj Benalúa. Tio estas klopodo revivigi la ekonomion de la regiono, nome klimata zono tre simila al aliaj tradiciaj kiel La Rioja aŭ la Ribera del Duero, kun frosto vintre kaj ne tro varmegaj someroj.