Bembibro

Bembibro
municipo en Hispanio ; loĝloko vd
	Blazono
Administrado
Poŝtkodo	24300
En TTT	Oficiala retejo [+]
Demografio
Loĝantaro	8 196 (2023) [+]
Loĝdenso	129 loĝ./km²
Geografio
Geografia situo	42° 37′ N, 6° 25′ U (mapo)42.615398-6.416971Koordinatoj: 42° 37′ N, 6° 25′ U (mapo) [+]
Alto	644 m [+]
Areo	63,42 km² (6 342 ha) [+]
Horzono	UTC+01:00 [+]
	Bembibro (Provinco Leono)
	Situo de Bembibro
	Bembibro (Hispanio)
	Situo de Bembibro
Alia projekto
	Vikimedia Komunejo Bembibre [+]
	v • d • r

Bembibro (en la hispana Bembibre) estas municipo kaj vilaĝo de la tradicia komarko Boezo en Bierzo, provinco Leono, regiono Kastilio kaj Leono, en Hispanio. La historia urboparto de Bembibro -ekskluzive de Arlanzo, Labaniego, Losado, Rodanilo... havas inter 8 000 kaj 9 000 loĝantojn.

Historio

La nomo Bembibre venas de la antaŭromia Paemeiobriga, kaj poste rebaptata kiel Interamnium Flavium far la romianoj. La urbodomo troviĝas en la vilaĝo Bembibro (ĝi havas plurajn etajn dependajn vilaĝetojn), kaj ĝi estas la dua loĝloko plej grava de la komarko Bierzo, ĉefe danke al la min-aktiveco (karbo kaj fero).

En tiu areo okazas la agado rakontita en la historia romano El señor de Bembibre (La senjoro de Bembibre (1844), de Enrique Gil y Carrasco, kie oni rakontas la aman historion de du tipaj romantismaj ĉefroluloj, Álvaro kaj Beatriz, super la fono de la estingo de la Ordeno de la Templo, kaj oni kreas revan kaj legendan mondon.

Estas restaĵoj de prahistoria kaj romia epokoj. Estis juda kvartalo. La areo apartenis al la Regno Leono kaj suferis pro la militoj kontraŭ Portugalio kaj ĉefe pro la Milito de Hispana Sendependiĝo. En la 7a de Oktobro 1934, kadre de la Hispana revolucio de 1934 ministoj okupis la urbon kaj la areon.

Panorama vido de Bembibro.

Geografio

Ĝia municipa teritorio estas formata de la loĝlokoj Arlanza, Bembibre, Labaniego, Losada, Rodanillo, San Esteban del Toral, San Román de Bembibre,Santibáñez del Toral kaj Viñales, okupas totalan areon de 63,42 km² kaj laŭ la demografia informo de la municipa censo fare de la INE en 2021, ĝi havis 8 455 loĝantojn. Ĝi akiris ĉirkaŭ 6 000 loĝantojn el la mezo de la 20-a jarcento pro la migrado el ruraj zonoj al komarkaj centroj, kiaj Bembibro kaj aligo de apudaj loĝlokoj. Ĝi distas 97 km de Leono, provinca ĉefurbo. Ĝi limas kun Toreno, Noceda del Bierzo, Folgoso de la Ribera, Congosto, Castropodame kaj Torre del Bierzo.

Demografio

Demografia evoluo
1996	1998	1999	2000	2001	2002	2003	2004	2005	2006	2007	2008
11.104	11.063	11.050	10.734	10.463	10.486	10.217	9.989	10.059	10.092	10.053	10.136

Demografia evoluo de la urboparto
2000	2001	2002	2003	2004	2005	2006	2007	2008
9.587	9.348	9.394	9.139	8.924	8.980	9.019	8.977	9.040

Aktualo

Tradiciaj enspezofontoj estas agrikulturo, brutobredado, servoj kaj ĉasado. Lastatempe kultura kaj rura turismo plie ekgravis (popola arkitekturo, historia heredo, piedirado). Inter servoj estas kultura centro, muzeoj, teatro, festoj ktp.

Vidu ankaŭ

Eksteraj ligiloj

Bembibre Digital

Bibliotekoj