Silueto
Silueto estas bildo formata de ombro de profila vizaĝo, montranta nur la eksterajn konturojn. Metafore oni nomas silueto vidaĵon de io, kio nete kontrastas el la fono: de tie oni ekvidas la pitoreskan silueton de la urbo. Ankaŭ oni nomas "silueto" bildon kontraŭ forta lumfonto kiu nur permesas vidi konturojn de la sceno.
![](http://upload.wikimedia.org/wikipedia/commons/thumb/5/51/Girl_silhouette.svg/200px-Girl_silhouette.svg.png)
![](http://upload.wikimedia.org/wikipedia/commons/thumb/6/68/Silhouette_of_a_Surfer.sized.jpg/200px-Silhouette_of_a_Surfer.sized.jpg)
La vorto silueto devenas de franca ministro Étienne de Silhouette; "Silhouette" mem devenas de la eŭska nomo "Zuloeta" aŭ "Zulueta"[1], t.e. "tru-plena".
Laŭ Francisko Azorín silueto estas Desegnaĵo prezentanta la ombron de la desegnata persono aŭ objekto; profilo de persono aŭ objekto unuforme kolorigita.[2] Li indikas etimologion el propra nomo de franca "Silhouette", (1754ª j.). Kaj li aldonas la terminon silueti, por fari silueton.[3]
La portretaj siluetoj tonditaj sur nigra papero kaŭzis furoreton en Francio dum la mezo de 18-a jarcento kaj la kontraŭuloj de Silhouette moke komparis lian maldikan figuron al tonditaj ombroj.
Vidu ankaŭ
redaktiReferencoj
redakti- ↑ http://www.etymonline.com/index.php?term=silhouette
- ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 184.
- ↑ Azorín, samloke.