Indonezia Esperanto-Asocio: Malsamoj inter versioj

'''Indonezia Esperanto-Asocio''' estis nacia asocio por subteno de la [[Esperanto-movado]] en [[Indonezio]]. Ĝi jam unuafoje fondiĝis en [[1952]] sed post iom da tempo estis malaktiviĝinta. Ekde la 5-a de aprilo [[2013]] la unua [[Indonezio|Indonezia]] [[Esperanto]]-[[Kongreso]] okazis en la metropola urbo [[Bogor]], historia eks-ĉefurbo de la lando, lokigita en la okcidenta parto de la insulo [[Javo]]. Kadre de ĝi la 7-an de aprilo refondiĝis Indonezia Esperanto-Asocio. Kiel prezidantino de la asocio elektiĝis ''Ilia Sumilfia Dewi''. La refondon kunsubtenis la flandra esperantistino [[Heidi Goes]], kiu ekde novembro 2009 faris plurajn vojaĝojn tra [[Indonezio]], intense instruis la internacian lingvon, parolis kun malnovaj kaj novaj esperantistoj, kun ĵurnalistoj kaj subtenis la preparon de la unua Indonezia Esperanto-Kongreso. Jam ekde julio [[2011]] aperas bulteno "Esperanto en Indonezio", kiu ekde aprilo [[2013]] transformiĝis al organo de la refondita landa Esperanto-asocio kaj estas redaktata de ''André Samosir'', juna indoneziano el [[Jogjakarto]]. En [[2015]] Indonezia Esperanto-Asocio estis akceptita de la [[Komitato de UEA]] kiel [[landa asocio de UEA]].