Jakvo Schram: Malsamoj inter versioj

'''Jakvo SCHRAM''' {{prononco|ŝram}} (naskiĝis la {{daton|2|marto|1946}} en [[Hoboken (Antverpeno)|Hoboken]] en [[Antverpeno]], [[Belgio]]) estas aktiva verkisto kaj estis aktiva SAT-ano inter 1993 kaj 2011. Li estis prezidanto de la Plenum-Komitato de [[Sennacieca Asocio Tutmonda|SAT]] de 2003 ĝis 2011.

Li naskiĝis en [[1946]] en la [[Antverpeno|Antverpena]] distrikto Hobokeno, kiel dua infano el tri en laborista familio. Li sekvis bazan lernejon en la vilaĝeto Hoevenen, nun Stabroek ĝis aĝo de 12 jaroj. Pro la pligrandiĝo de la Antverpena haveno la polderaj vilaĝoj aŭ malaperis aŭ malpligrandiĝis. Pro timo la junaj homoj forlasis la vilaĝojn kaj iris plejparte al direkto de [[Kampino (regiono)|Kampino]]. Jakvo finis la bazan instruadon en teknika lernejo en Antverpeno.

Nur 14-jara li komencis labori en diamantindustrio kiel diamantŝlifisto, poste diamantprilaboristo. Post servo en belga armeo en [[Germanio]] kie li rifuzis porti armaĵojn, li reiris en [[diamanto]], sed konstatis ke la tro frua forlaso de lernejo alportis al li nur frustraciojn kaj malkontenton. Legado ŝtopis nur parte la truojn kaj ĉiu plia scio kreskigis la frustraciojn pro nescio. Ek de 25 jaraĝo li iĝis tre aktiva en sindikato ADB-ABVV (socialista) kaj batalis por malaperigo de nigra salajro, protekto de sano kontraŭ [[kancero|kancerdona]] polvo kaj ĝenerala kvalito de la laborejoj en diamantmedio. En [[2001]] li suferis plurajn korpajn atakojn kaj parolajn minacojn pro siaj agadoj en sino de sindikato. Pro neeblo plu eniri la diamantkvartalon li devis demisii kiel diamantprilaboristo kaj ekde tiam ne plu povis labori en la diamantkvartalo.

Esperantiĝo ([[1990]]) okazis pro scivolemo pri la sorto de laboristoj en aliaj partoj de la mondo, sed pro studado de Esperanto en medio de neŭtraluloj li ankaŭ ĉi tie ne trovis respondon al siaj demandoj. Li estis vicprezidanto de "[[La Verda Stelo Antverpeno|La Verda Stelo]]" en Antverpeno kaj 1 jaron poste dum periodo de 3 jaroj prezidanto de la klubo (1994-1997). En la jaro [[2001]] li estis kun [[Willem Rasschaert]] organizanto de la simpozio, "Esperanto kaj ideologio"- – kiel rolis kaj rolu Esperanto politike.

Inter [[1998]] kaj [[2004]] li estis la redaktanto de [[Liberecana Ligilo]] kaj krome redaktis [[Sennacieca Revuo|Sennaciecan Revuon]] de 2002 ĝis 2011. Li ankaŭ estis dum 3 jaroj ĉefredaktanto kaj enpaĝiganto de [[Sennaciulo]], la dumonata revuo de SAT (ekde 2008 ĝis oktobro 2011).