Edeno (romano): Malsamoj inter versioj

Rezulte de eraroj en la kalkuloj, raketo kun grupo de [[Kosmonaŭto|kosmonaŭtoj]] devige surteriĝas sur la planedo Edeno. La homoj komencas ripari la ŝipon, kiu enpuŝiĝis en la grundon, kaj esplori la [[Planedo|planedon,]] kiu montriĝas loĝata de inteligentaj estaĵoj. Esplorante la novan medion, la kosmonaŭtoj malkovras aferojn kaj [[Fenomeno|fenomenojn]] nekompreneblajn de la tera vidpunkto, ekz. aŭtomate funkciantan fabrikon, kiu unue produktas teknologie progresintajn elektrajn aparatojn de nekonata celo, kaj poste fandas ilin kaj refaras la samajn aĵojn. Tamen la plej nekomprenebla por la teranoj estas la socia sistemo, en kiu ekzistas ''dubelty'' – ''dubluloj'' (kiel ilila homoj nomis la loĝantojn de Edeno). Gvidas ĝin anonima reganto, kiu ŝajnigas esti neekzistanta, nomata de la kosmonaŭtoj ''tirano sen vizaĝo''. La ĉefa [[teknologio]] estas bio-inĝenierado, kiu provas produkti pli bonan rason per genetika manipulado. La produktoj de malsukcesaj eksperimentoj estas mortigataj.