Jilava
komunumo en Rumanio
Jilava [ĵilava] estas komunumo en la distrikto Ilfov en Rumanio. Ĝi estas konata precipe pro la tiea sekurega pun-malliberejo (oficiala nomo Penitenciarul București = bagno Bukareŝto). Al la komunumo, kiu etendiĝas de la rando de Bukareŝto ĝis la ekstera rando de la distrikto Ilfov, apartenas krom la sidejo la vilaĝoj Mierlari kaj Odăile.
| Jilava | |||
|---|---|---|---|
 | |||
| Komunuma sidejo | |||
| komunumo en Rumanio | |||
| Lando |  Rumanio
| ||
| Distrikto |  distrikto Ilfov
| ||
| Situo | 44° 20′ N, 26° 5′ O (mapo)44.33333333333326.080555555556Koordinatoj: 44° 20′ N, 26° 5′ O (mapo) | ||
| |||
| |||
| Poŝtkodo | 077120 | ||
| Loĝantaro | 12.110 (en 2002) | ||
Jilava situas sude de Bukareŝto ĉe la nacia vojo DN 5 kaj ĉe la fervoja linio de Bukareŝto al Giurgiu.
En la malliberejo aŭ lige kun ĝi okazis jenaj eventoj:
- En 1938 Corneliu Zelea Codreanu estis mallibera tie. En la nokto de la 29-a/30-a de novembro 1938 li kaj 13 pliaj anoj de la legiana movado estis portitaj al la arbaro de Tâncăbești kaj tie sufokitaj, je la preteksto, ke ili provis eskapi.
- Je la 26-a/27-a de novembro 1940 anoj de la "fera gvardio" de la legiana movado mortigis 66 politikajn malliberulojn, por venĝi la mortigon de Codreanu.
- Je la 1-a de junio 1946 tie estis ekzekutita Ion Antonescu, eksa ĉefministro kaj diktatoro.