Tokugawa Ieshige
Tokugawa Ieshige aŭ TOKUGAVA Ieŝige (japane 徳川 家重) (la 28-an de januaro 1712 - la 13-an de julio 1761) estis la naŭa ŝoguno de la Tokugawa-ŝoguneco de Japanio. La estis la unua filo de Tokugawa Yoshimune, lia patrino estis filino de Okubo Tadanao, konata kiel Osuma no kata. Lia infanaĝa nomo estis Nagatomi-maru. Lia plenkreskiĝa ceremonio okazis en 1725.
| Tokugawa Ieshige | |
|---|---|
| |
| Persona informo | |
| Naskiĝo | 28-an de januaro 1712 en Akasaka |
| Morto | 13-an de julio 1761 (49-jaraĝa) |
| Tombo | Zōjō-ji (en)  
|
| Ŝtataneco | Japanio Tokugava-ŝogunregistaro
|
Subskribo 
| |
| Familio | |
| Patro | Tokugawa Yoshimune (en)
|
| Patrino | Shintokuin (en)
|
| Frat(in)oj | Tokugawa Munetake (en) , Tokugawa Munetada (en) kaj Tokugawa Yorimoto (en)
|
| Edz(in)o | Masuko-joō (en) Shishin'in (en) Anjō-in (en)
|
| Infanoj | Tokugawa Ieharu (en) (  Shishin'in (en) )Tokugawa Shigeyoshi (en) ( )
|
| Parencoj | |
| Okupo | |
| Okupo | samurajo
|
Lia unua edzino, Nami-no-miya, estis filino de princo Fushimi-no-miya Kuninaga (伏見宮 邦永親王). Lia dua edzino, Okō, estis la filino de unu el la korteganoj kiu sekvis sian nobelan unuan edzinon de la Imperiestra kortego al la Ŝoguna Tribunalo en Edo. Tiu fame bonkora dua edzino estis patrino de Ieharu, kiu iĝus la heredanto de Ieshige.
Ieshige suferis de konstanta malfortikeco kaj severa paroldifekto. La elekto de Yoshimune de Ieshige kiel lia heredanto kreis konsiderindan polemikon ene de la ŝoguneco kiel liaj pli junaj fratoj Tokugawa Munetake kaj Tokugawa Munetada ŝajnis esti longe pli taŭgaj kandidatoj. Yoshimune daŭre insistis pri sia decido, preferante la konfucean principon de aparta rajto. Ieshige daŭris en la rolo de formala kondukanto de la ŝoguneco. Yoshimune direktis aferojn post lia oficiala emeritiĝo en 1745. Tiu atento estis dizajnita por certigi ke Ieshige estis sekura en sia oficejo. Ieshige restis ŝoguno ĝis 1760. Neinteresita en registaraj aferoj, Ieshige lasis ĉiujn decidojn en la manoj de Ooka Tadamitsu (1709–1760). Li oficiale retiriĝis en 1760 kaj alprenis la titolon Ōgosho, nomumis sian nuan filon Tokugawa Ieharu al la 10-a ŝoguno kaj mortis la sekvantan jaron. La dua filo de Ieshige estis Tokugawa Shigeyoshi, kiu iĝis fondinto de la klano Shimizu Tokugawa, kiu kun Tayasu kaj Hitotsubashi (establita fare de pli junaj fratoj de Ieshige) iĝis gosankyō, tri branĉoj de la Tokugawa-familio, el kiuj oni elektis la estontaj ŝogunoj, ĝis kiam la ĉefa familia linio ĉesis.
La regadon de Ieshige karakterizis koruptado, naturaj katastrofoj, malsategoj kaj naskiĝo de la komerca klaso, kaj lia mallerteco en traktado tiuj temoj tre malfortigis sian regkapablon. Liaj restaĵoj estis elfositaj kaj oni analizis tiujn en scienca enketo de 1958-1960. Oni konstatis, ke liaj dentoj estis kurbaj kaj malbone misformitaj, konfirmis historiajn referencojn al lia paroldifekto, kaj ke lia sangogrupo estis tipo-A.