Tondilbekulo

La Tondilbekuloj, aŭ Rinkopedoj, estas eta familio de birdoj similaj al la ŝternoj en la ordo ĥaradrioformaj, kiu inkludas ankaŭ la vadbirdoj, mevoj kaj aŭkoj. Tiu ĉi familio konsistas el tri specioj kiuj troviĝas respektive en Suda Azio, Afriko kaj Ameriko.

Kiel legi la taksonomion Tondilbekulo
Biologia klasado
Regno: Animaloj Animalia Filumo: Ĥorduloj Chordata Klaso: Birda klaso Aves Ordo: Ĥaradrioformaj Charadriiformes Familio: Rinkopedoj Rynchopidae Genro: Tondilbekulo ' Rynchops ' Specio: Tondilbekulo '' Rynchops '' = Linnaeus 1758
Aliaj Vikimediaj projektoj

Oni vidu la taksonomion Sibley-Ahlquist por alternativa klasado. La genro nome Rynchops estas ankaŭ skribita kiel Rhynchops (ekzemple en kelkaj de la lastaj eldonoj de la verkoj de Linnaeus), kvankam la unua versio estas taksonomie valida, kaj estas la originala de Linnaeus.

Priskribo

La plej rimarkinda eco en la tri specioj estas, ke ili havas multe pli longan suban bekomakzelon kaj eĉ iom pli mallarĝan. Ili nutras sin per malalta flugado super la akvosurfaco havante la pinton de tiu suba makzelo en la akvo kaj la tutan bekon tondilforman por preni etajn fiŝojn. Ili estas mezgrandaj akvobirdoj (de 36 ĝis 46 cm) de longaj kaj pintaj flugiloj kaj mallongaj kruroj.

Ili estas tropikaj kaj subtropikaj specioj, kiuj loĝas ĉe grandaj riveroj kaj aliaj akvejoj ĉefe internaj. La ino demetas 3-6 ovojn en sabla strando kaj kovas la ovojn. Ĉar la tri specioj estas limigitaj al siaj nestoteritorioj, tiuj specioj estas minacataj pro ĝenado ĉe tiuj nestejoj. Unu specio, la Hindia tondilbekulo estas konsiderata vundebla de la Ruĝa listo de IUCN pro destruo kaj malbonigo de lagoj kaj riveroj kie la specio manĝas.

Listo de specioj kaj sub-specioj

Afrika tondilbekulo (Rynchops flavirostris) en Ugando

• Nigra tondilbekulo — Rynchops niger Linnaeus, 1758 —
  • Rynchops niger cinerascens Spix, 1825
  • Rynchops niger intercedens H. Saunders, 1895
  • Rynchops niger niger Linnaeus, 1758
• Afrika tondilbekulo — Rynchops flavirostris Vieillot, 1816 —
• Hindia tondilbekulo — Rynchops albicollis Swainson, 1838 —

Referencoj

• BirdLife International (2007) Datumaro specio : Rynchops albicollis. Arkivigite je 2009-01-02 per la retarkivo Wayback Machine Elŝutita el http://www.birdlife.org on 20/5/2007

Eksteraj ligiloj

• Filmoj de tondilbekulo ĉe Interreta Birdo Kolekto
• Rynchops Linnaeus. Kunigita Taksonomia Informo-Sistemo.