Urba muzeo de Neustadt an der Orla

La Muzeo pri urba historio (germane: Museum für Stadtgeschichte) troviĝas en Neustadt an der Orla, Kirchplatz nr 7.

Enirejo al la historiaj viandejoj de sur Kirch-placo; rekte je la maldekstra flanko de la fotinto troviĝas la muzeo.
Neustadt estis la lulilo de karusel-farado en Germanio, pri kiu informas onin sekcio de la muzeo.

PriskriboRedakti

La muzeo troviĝas apud la historiaj viandejoj. Sur elmontrada surfaco de 370 kvadratmetroj prezentatas la historio de la urbo Neustadt, kies unua mencio estis en 1287. En kvin sekcioj la vizitantoj lernas pri ties graveco sub diversaj regantoj.

KolektojRedakti

En historia libropresejo oni lernas pri la tekniko de la 19-a jarcento koncerne la faradon de presitaĵoj kaj pri la surloka graveco de Goeto kaj lia amiko, la presisto Johann Karl Gottfried Wagner.

En tri aliaj salonoj prezentatas la verkoj de la transregionen konataj pentristoj de la epoko post la Dua mondmilito, nome de Heinrich Kiefer, Heinrich Rudolf Ulbricht kaj Karl Herrmann, kiuj ankaŭ sub la pseŭdonimo Die Arnshaugker kreive agadis.

Unika estas la kolekto pri historiaj mapoj kun gravuraĵoj kupraj, ŝtalaj, ŝtonaj, kun vidoj al la urbo (16-a ĝis la 19-a jarcentoj). Interesiĝantoj pri historioj detale lernis pri la ŝanĝintaj landlimoj en la kuro de historio, pri eksaj kondukoj de stratoj kaj lokoj de jam ne ekzistantaj entreprenoj. Dum jarcentoj evoluis pluraj atelieroj de stan-gisistoj, kies produktoj estis ŝatataj en la tuta lando, ankaŭ pro la riĉeco de la ideoj de la gisistoj koncerne formojn kaj utiligon de siaj produktoj.

Neustadt estis krome la lulilo de la karusela industrio en Germanlando; tiu industria branĉo tre floris en la jaroj 1870-1915. Multaj urbanoj tiam laboris sur tiu ĉi kampo kaj fariĝis ege talentaj lignoskulptistoj. Oni faris karuselojn por la tuta mondo, el kiuj kelkaj funkcias eĉ hodiaŭ!

Daŭra ekspozicio informas pri la tanista metio, kiu jam ekde la urbofondo vigladis. Ĝis ses nedaŭraj ekspozicioj maksimume pojare kompletigas la tutan muzean komplekson.

LiteraturoRedakti

Museumsverband Thüringen (eld.): Museen in Thüringen, Edition Leipzig 2006, ISBN 978-3-361-00612-0, p. 122-123

Eksteraj ligilojRedakti

Hejmpaĝo de la muzeo.