Xavier Margais i Basi

hispana esperantisto

Xavier MARGAIS i BASI (naskiĝis la 29-an de novembro 1946 en Barcelono)[1] estas esperantisto kaj doktoro pri Nuntempa Historio. Li loĝas sur la insulo Majorko ekde 1973.[1]

Xavier Margais i Basi
Xavier Margais i Basi.jpg
Persona informo
Naskiĝo 29-an de novembro 1946 (1946-11-29) (74-jara)
Lingvoj Esperantokataluna
Ŝtataneco Hispanio
Okupo
Okupo esperantisto
Wikidata-logo.svg
Information icon.svg
vdr

Kiel historiisto, li ĉefe okupiĝas pri la majorka moderna historio. Li doktoriĝis per ĝisfunda studo de la majorka Esperanto-movado ĝis la enlanda milito, eldonita en 2002. En 2020 estis eldonita lia Breu història de l'esperantisme als Països Catalans (Mallonga historio de la Esperanto-movado en la Kataluna Landaro) en kolekto pri la socia kaj kultura historio de la Kataluna Landaro. Kiel Esperanto-aktivulo li i.a. kunorganizis la katalunajn kongresojn de Esperanto okazintajn en Majorko en 1993 kaj 2002. Pluraj liaj artikoloj pri la baleara Esperanto-movado aperis en Kataluna Esperantisto kaj en la Historio de Esperanto en la Kataluna Landaro.

VerkojRedakti

Li estas aŭtoro de pluraj libroj kiel El moviment esperantista a Mallorca, Bunyola, amb la por al cos o Breu història de l'Esperantisme als Països Catalans.[1]


ReferencojRedakti

  1. 1,0 1,1 1,2 Breu història de l'esperantisme als Països Catalans | Pagès Editors