Yanny aŭ Laurel

Yanny aŭ Laurel estas aŭda fenomeno, kiu diskoniĝis en majo 2018. Temas pri unusekunda sonregistraĵo nebonkvalita el angla retvortaro por la vorto laurel (laŭro), kiun iom pli ol duono de la aŭdantoj perceptis kiel laurel [ˈlɔːrəl], kaj iom malpli ol duono kiel la sensignifan vorton yanny [ˈjæni], do tute malsame. La miriga efekto dum kelkaj tagoj kaŭzis certan sensacion en la interreto kaj pluaj medioj. Laŭ fakuloj ĝi rezultas el tio, ke kelkaj personoj emas percepti pli altajn sonerojn = yanny, kelkaj pli malaltajn = laurel.

La (hazarda) malkovro de la fenomeno atribuiĝas al Katie Hetzel, 15-jara lernantino de Flowery Branch High School, proksime de Atlanto, Georgio, Usono. Ŝi publikigis la unuan priskribon, en Instagram, la 11-an de majo 2018.

Eksteraj ligilojRedakti