Ĥomero

En la hebrea Biblio, la ĥomero (hebree חֹמֶר, ḥōmer) aŭ koro (hebree כּר‎, kor) estas granda mezurunuo de volumeno.

Priskribo

Laŭ la priskribo de Jeĥezkelo en la hebrea Biblio, la ĥomero kaj la koro estas samaj, kaj egalas dek batojn:

	„ Kaj la leĝo pri la oleo estas: bat’o da oleo; bat’o estas dekono de kor’o; dek bat’oj faras ĥomeron, ĉar ĥomero entenas dek bat’ojn. ” — Londona Biblio, Jeĥezkelo 45:14

Laŭ Oxford Biblical Studies Online, unu koro estas proksimume 2300 litroj, kaj unu ĥomero estas proksimume 229,7 litroj.

Ĉar ĝi estas tre granda mezurunuo, ĝi estas figure uzata por ajna granda kvanto, ekzemple:

	„ Ĉar dek parceloj da vinberĝardeno donos nur unu bat’on, kaj ĥomero da semoj donos nur unu efon. ” — Londona Biblio, Jesaja 5:10

En la ĉi-supra versiklo, Jesaja priskribas la veon de la maljustuloj. Unu efo estas nur centono de la ĥomero; tiel, la (metaforaj) vinberĝardenoj de la maljustuloj estos nefruktodonaj.

Vidu ankaŭ

• Bato (mezurunuo)
• Homero
• Omero