La 80 metra bendo3.5 MHz estas radioamatora bendo asignita por radioamatora uzo. En la IARU regiono 2 ĝi estas uzebla de 3.5 ĝis 4.0 MHz, ĝis 3,8 MHz (en regiono 1) kaj ĝis 3.9 MHz (en regiono 3). La bendo estas populara por kontaktoj je malfrua posttagmezo kaj noktaj horoj, ĝi estas kutime bona por regionaj kaj lokaj kontaktoj inter 300 km ĝis 1 600 km depende de la jonaj kondiĉoj kaj la sezono. La 80 metra bendo estas populara inter radioamatoroj por longe babili kun aliaj radioamatoroj, kiuj troviĝas ĉirkaŭ 800 km. Dum konkursoj la bendo estas plenplena je radiostacioj kiuj komenciĝas antaŭ sunsubiro kaj daŭrigas tra la tuta nokto. La supra parto de la bendo, plejparte estas uzata por voĉaj kontaktoj estas ofte nomita 75 metroj.

AntenojRedakti

En praktiko oni bezonas fizike grandajn antenojn (kvaron-onda anteno estas proksimume 20 metrojn longa) kio estas unu el la defioj alfrontata de radioamatoroj, kiuj deziras komuniki kun pli malproksimaj stacioj. La plej multaj amatoroj kiuj interesiĝas pri regionaj kontaktoj uzas dratantenojn kiel dupolusaj antenoj, vertikalajn antenojn kaj mallongigitajn antenojn. 80 metroj estas ofte brua bendo, en kiu kutime estas bruo de malproksimaj fulmotondroj kaj homfaritaj bruofontoj. Urba kaj antaŭurba bruo oftas kaj estas ĝenerale inter 10 ĝis 20 dB pli forta ol la tipa kampara bruo.

PropagiĝoRedakti

La D-tavolo de la Jonosfero ankaŭ influas 80m kiu signife absorbas signalojn. Dum la taglumaj horoj stacioj en mezaj aŭ altaj latitudoj uzantaj 100 vatojn kaj simplan dupolusan antenon povas atendi maksimuman komunikadon je 300 km, kio ampleksiĝas al kelkaj miloj aŭ pli dum la nokto. Tutmonda kontakto povas esti rutine realigita dum la malfrua aŭtuno kaj vintro per stacio uzanta modestan potencon kaj antenojn. Kiel la maksimuma uzebla frekvenco por longdistanca komunikado malofte estas sub 3.5 MHz ie ajn sur la planedo, la ĉefa baro por longdistanca komunikado estas la D-tavolo kaj ties absorbado dum la tago. Estas ofta la uzo de grizlinia disvastiĝo por atingi maksimuman efikecon de la signaloj. Dum printempo kaj somero fulmo de malproksimaj ŝtormoj kreas signife pli altajn fonajn bruajn nivelojn, ofte iĝante nesuperebla malhelpo al konservado de normalaj komunikadoj. En la vintraj monatoj dum la pintjaroj de la sunmakuloj aŭroraj efikoj ankaŭ povas igi la bendon senutila.[1]

ILERA frekvencojRedakti

ILERA (Internacia Ligo de Esperantistaj Radio-Amatoroj) Sugestas frekvencojn kaj horarojn por skedoj kaj E-kontaktoj ĉiam en Universala Tempo. En 80 metroj ili estas:

kHz Tagoj UT regiono
3770 (3766) lun 17:00h (somere) Eŭropo
3770 (3766) lun 16:00h (vintre) Eŭropo

BendlarĝoRedakti

La malsupra parto de 80 metroj estas uzata por telegrafiaj elsendoj, kun la pli malalta 10 kHz (3500-3510 kHz) ĉefe uzita por longdistancaj kontaktoj (DX).[2] Bendlarĝo laŭ la IARU regionoj [3]

Regiono 1Redakti

Europo, Afriko kaj Norda Azio.[4]

Bendo Frekvenco
80 metroj de 3,500 ĝis 3,800 MHz

Regiono 2Redakti

Ameriko.[5]

Bendo Frekvenco
80 metroj de 3,500 ĝis 3,850 MHz

Regiono 3Redakti

Azio kaj Pacifiko.[6]

Bendo Frekvenco
80 metroj de 3,500 ĝis 3,900 MHz

ReferencojRedakti

Vidu ankaŭRedakti

Eksteraj ligilojRedakti