Alfo Serpenta
Alfo Serpenta (latine Alpha Serpentis, mallonge α Vel) estas triopa stelo en la konstelacio Serpento. Ĝi estas la plej hela objekto en la konstelacio, kaj situas en la parto kiu laŭ la tradicia bildigo simbolas la kapon de la Serpento. La stelo havas tradiciajn nomojn Unukalhai, el la araba esprimo عنق الحية unuq al-ħayyah (kolo de la serpento), kaj Cor Serpentis, kiu en la latina signifas "koro de la serpento".
| Alfo Serpenta | |
| Stelo | |
| stelo • stelo de granda propra movo • astra fonto de proksim-infraruĝaj radioj • astra fonto de ultraviolaj radioj • varia stelo • astrofizika iksradia fonto • duobla stelo • infraruĝa fonto | |
|---|---|
| Speco | Triopa stelo |
| Aliaj nomoj | Unukalhai, Cor Serpentis, 24 Serpentis, HR 5854, HD 140573, SAO 121157, HIP 77070, ADS 9765, CCDM 15442+0626 |
| Situo | |
| Konstelacio | Serpento |
| Rekta ascensio Deklinacio - Epoko |
15h 44m 16,1s 06° 25′ 32″ J2000.0 |
| Distanco el sunsistemo | 73,2 ± 1,2 lumjaroj |
| Fizikaj ecoj | |
| Diametro | 16 200 000 km vd |
| Radiuso | 15 sunradiusoj (ĉefastro) |
| Lumeco | 60 sunlumecoj (ĉefastro) |
| Atmosferaj kaj surfacaj ecoj | |
| Surfaca temperaturo | 4300 K (ĉefastro) |
| Observaj ecoj | |
| Spektroklaso | K2III |
| Videbla magnitudo | 2,63 |
La ĉefa stelo, Alfo Serpenta A, estas oranĝkolora giganta stelo K-tipa, kun videbla magnitudo 2,63 kaj 70-oble pli luma ol la Suno; la temperaturo ĉe ĝia supraĵo estas 4300 K, kaj ĝia radiuso estas 15-oble pli granda ol tiu de la Suno.
Alfo Serpenta B havas magnitudon 11,8 kaj - vidate el Tero - situas 58 arksekundojn for de la ĉefstelo; Alfo Serpenta C havas magnitudon 13 kaj malproksimas 2,3 arkminutojn de la ĉefstelo.