Anglalingva Vikipedio
La anglalingva Vikipedio (angle English Wikipedia) estas la versio de la libera reta enciklopedio Vikipedio en la angla lingvo. Fondita la 15-an de januaro 2001 kaj atinginta kvar milionojn da artikoloj la 13-an de julio 2012, ĝi estis la unua eldono de vikipedio kaj restas la plej larĝa, kun pli ol duoble tiom da artikoloj ol la dua plej granda, la nederlandlingva Vikipedio. Laŭ la stato de marto 2014, 14,4 procentoj de ĉiuj vikipediaj artikoloj apartenas al la anglalingva eldono - tiu nombro pli kaj pli malaltiĝis de pli ol 50 procentaĵoj en 2003, pro la laŭgrada kresko de la alilingvaj vikipediaj eldonoj.[1]
| Anglalingva Vikipedio | |
|---|---|
 | |
 | |
| Priskribo | La ĉefpaĝo de la anglalingva vikipedio |
| Retadreso | en.wikipedia.org |
| Kategorio | Vikipedio (libera reta enciklopedio) |
| Lingvo | angla |
| Posedanto | Fondaĵo Vikimedio |
| Statistikoj | |
| je la 24-a de marto 2023 | |
| Artikolnombro | 6 633 851 |
| Profundeco | 1175.2 |
| Paĝoj | 57 813 924 |
| Redaktoj | 1 141 451 832 |
| Uzantoj | 45 240 961 |
| Aktivaj uzantoj | 130 416 |
| Administrantoj | 910 |
| Dosieroj | 898 421 |
Protesto de la 18-a de januaro 2012Redakti
La 18-an de januaro 2012 la anglalingva Vikipedio fermiĝis dum 24 horoj por protesti la leĝproponojn SOPA kaj PIPA je la kvina horo matene (UTC) ĝis la kvina matene (UTC) de la sekva tago. Unuafoje la Angla Vikipedio faris tian proteston. La vikipedianoj protestis ĉar se la leĝpropono estus akceptita, la nova leĝo farus gravajn damaĝojn en la libera Interreto.
En la sama tago, multaj alilingvaj Vikipedioj subtenis la proteston de la angla vikipedio per montro de protesta mesaĝo en siaj ĉefpaĝoj. Speciale, la itallingva Vikipedio alidirektigis ĉiun vizitanton al nigra paĝo. La vizitanto tamen povis legi kaj kontribui al la enciklopedio poste. En la nederlandlingva Vikipedio, oni aldonis ke ĉi tiu danĝerigas la interreton kaj ne nur en Ameriko, sed en la tuta mondo. 13 el la 15 plej gravaj Vikipedioj (250 000 artikoloj kaj pli) subtenis la proteston, krom finna kaj la franca vikipedioj.
Vidu ankaŭRedakti
NotojRedakti
Eksteraj ligilojRedakti
- La ĉefpaĝo de la anglalingva Vikipedio
- Meta-paĝaro pri la anglalingva Vikipedio
- wikipedia.org - plurlingva enirpaĝo de Vikipedio
- retejo de la vikimedia fondaĵo
