Anno (dolĉaĵo)

Ne konfuzu ĉi tiun artikolon kun Anno (nomo).

Anno (japane 餡 (あん), an aŭ japane 餡子 (あんこ), anko; koree 팥소, patso; ĉine 豆沙, dòushā) estas japana pasta dolĉaĵo preparata per miksado de sukero al boligitaj kaj dispremitaj semoj aŭ nuksoj. La azukia anno estas manĝata kiel deserto. Oni uzas ĝin por fari moĉion kun anno nomata daifuku. Kiam la azukio estas kuirita kaj kaĉigita, ĝi formas dikan paston aŭ kaĉon.

Anno el azukio.

Daifuku kun anno ene.

Enhavo

Oni povas fari annon el azukio aŭ fazeolo, fabo, pizo, terpomo, batato, kaŝtano k.a. La plej konata speco de anno estas azukianno (japane 小豆餡あずきあん, azukian), farita el azukioj.

Specoj

Ekzistas diversdensaj tipoj de annoj:

• Grajnanno (japane 粒餡 (つぶあん), tsubuan) konsistas el boligitaj (sed ne dispremitaj) azukisemoj kun sukero.
• Dispremita anno (japane 潰 (つぶ)し餡 (あん), tsubushian) konsistas el boligitaj kaj dispremitaj azukisemoj.
• Kribrita anno (japane 漉 (こ)し餡 (あん), koshian) estas boligitaj kaj dispremitaj kaj poste kribritaj por senigi membranojn.
• Sekigita anno (japane 晒 (さら)し餡 (あん), sarashian) estas sekigita, kaj poste remalsekigita por uzo.

Uzoj

Jen diversaj pladoj enhavantaj annon.

Japanaj

• Anmitsu
• Anpan: Anno estas garnaĵo de annpano (japane 餡 (あん)パン, anpan) (bulko kun anno), kiu estas ankaŭ la kapo de Anpanman ("Annbulko-viro", animea figuro).
• Daifuku
• Dango
• Dorayaki: ŝatata manĝaĵo de Doraemon (animea figuro)
• Manĵuo (manjū)
• Oshiruko
• Taiyaki
• Jokano (yōkan)

Ĉinaj

• Hóng dòu tāng
• Tangyuan
• Zongzi
• Lunkuko
• Hóng dòu tāng
• Bāozi
• Jiān dui
• hóng dòu gāo

Koreaj

• Baram tteok
• Bungeoppang
• Chalboribbang
• Hobbang
• Bulko de Gyeongju
• Patbingsu
• Patjuk
• Songpyeon

Vjetnamaj

• Chè ba màu
• Chè đậu đỏ

Vidu ankaŭ

• Japana dolĉaĵo