Auguste de Montferrand
Henri Louis Auguste Ricard de MONTFERRAND estas granda francdevena arkitekto multjare laborinta en Rusio. Li naskiĝis en Chaillot (nun parto de Parizo, Francio) la 23-an de januaro 1786, mortis la 10-an de julio 1858 en Sankt Peterburgo.
| Auguste de Montferrand | |
|---|---|
| |
| Persona informo | |
| Naskiĝo | 23-an de januaro 1786 en Chaillot |
| Morto | 28-an de junio 1858 (72-jaraĝa) en Sankt-Peterburgo |
| Tombo | Tombejo de Montmartre |
| Lingvoj | franca |
| Ŝtataneco | Francio |
| Okupo | |
| Okupo | arkitekto • arthistoriisto |
| Verkoj | Katedralo Sankta Isaako de Sankt Peterburgo Alexander Column Monument to Nicholas I Transfiguration Cathedral |
Montferrand studis arkitekturon en Parizo kaj poste militservis en la Napoleona armeo, en kiu li meritis prestiĝan nacian ordenon La Honora Legio.
En 1814, kiam la rusaj trupoj okupis la francan ĉefurbon, lin invitis imperiestro Aleksandro la Unua, kiu interesiĝis pri liaj arkitekturaj projektoj, por laboro en Rusio.
Montferrand translokiĝis al Sankt Peterburgo en 1816 kaj fruktodone kreadis tie dum kvardek unu jaroj ĝis morto okazinta en 1858.
Lin oni enterigis en la tombejo de Montmartre en Parizo.
Kelkaj ĉefverkoj redakti
Katedralo Sankta Isaako de Sankt Peterburgo redakti
Ĝi estas plej grava kreaĵo de Montferrand konstruita en tiama ĉefurbo de Rusio dum kvardek jaroj laŭ iniciato de imperiestro Aleksandro la Unua.
Aleksandrova Kolono en Sankt Peterburgo redakti
Ideon, lokon kaj desegnaĵon aprobis imperiestro Aleksandro la Unua, sed decidon pri ĝia konstruado akceptis lia frato, sekva rusia imperiestro Nikolao la Unua. La grandioza monumento, kies malalta diametro egalas 3,66 metrojn kaj alta diametro = 3,19 metrojn, alteco de la granita fusto = 25,58 metrojn, estas dediĉita al glora regado de Aleksandro la Unua. La monumenton kronas bronza skulptaĵo de anĝelo kun kruco. La kvarflanka bronza piedestalo prezentas venkojn kaj atingojn de la rusa armeo. Tuta pezo = 704 tunojn. Inaŭguro okazis la 11-an de septembro 1834.
Eksteraj ligiloj redakti
- [1] Arkivigite je 2012-03-05 per la retarkivo Wayback Machine biografio, fotoj kaj kreaĵoj ruse
- [2] Arkivigite je 2013-03-07 per la retarkivo Wayback Machine Katedralo Sankta Isaako en Sankt Peterburgo ruse france
- [3] Arkivigite je 2014-07-04 per la retarkivo Wayback Machine biografio angle