Balys Dūda
Balys Dūda (naskiĝis la 13-an de januaro 1896 en Naskvyčiai, distrikto Kupiškis, mortis la 23-an de aŭgusto 1924 en Subačius) estis kulturaganto, ĵurnalisto, pacifisto kaj esperantisto.
| Balys Dūda | |
|---|---|
| Persona informo | |
| Naskiĝo | 13-a de januaro 1896 en en Naskvyčiai, distrikto Kupiškis |
| Morto | 23-a de aŭgusto 1924 en Subačius |
| Lingvoj | Esperanto |
| Nacieco | litovo |
| Ŝtataneco | Litovio |
| Okupo | |
| Okupo | esperantisto |
| Esperanto | |
| Esperantistiĝis en | 1915 en Peterburgo |
Li oficis kiel stilisto de semajna agrikultura gazeto "Litova Terposedanto", kaj estis inicianto kaj fondinto de popola universitato (1920) en vilaĝo Dubliškiai, en kies programo figuris ankaŭ Esperanto. Estante principa pacifisto, adepto de Lev Tolstoj, Balys Dūda fondis eldonsocieton "Fajreto" (1922), kiu eldonadis litovlingvan revuon "Renaskiĝo"; la revuo bonefike propagandis Esperanton, unu el la punktoj de revua programo estis lingvo internacia. Vilaĝa popola universitato, establita de Balys Dūda, estis unusola en Litovio kaj restigis spurojn: "studentoj" de Dubliškiai estis lingvisto Grigas, pedagogo J. Laužikas, landesploristo Juozas Petrulis. Balys Dūda estas entombigita en Subačius.
Fonto redakti
- Povilas Stašys, Litova Stelo, 1997, julio-aŭgusto, n-ro 4, pĝ. 26.