Balys Giedra

Balys Giedra (naskiĝis la 2-a de aprilo 1897 en vilaĝo Vienažindžiai, distrikto Biržai; mortis la 6-a de januaro 1953 kiel ekzilito ĉe Kransk, Krasnojarska regiono en Siberio) estis juristo, laboris en Marijampolė, ekde 1937 kiel imposta inspektoro en Šakiai. Konata internacia pacifisto.

Balys Giedra
Persona informo
Aliaj nomoj	Paca Batalanto
Naskiĝo	2-a de aprilo 1897 en en vilaĝo Vienažindžiai, distrikto Biržai
Morto	6-a de januaro 1953 en ekzilito de Kransk, Krasnojarska regiono en Siberio
Lingvoj	Esperanto
Nacieco	litova
Ŝtataneco	Litovio
Okupo
Okupo	esperantisto (1930–) juristo
Esperanto
Esperantistiĝis en	1930

Respondeca kaj fakta redaktoro de Litova Stelo (1935-1939), kompilinto de "Plena Esperanto-litova vortaro" (1936), iniciatinto kaj kunaŭtoro de plena "Litova-Esperanta vortaro", kiu jam estis preparita kaj transdonita al presejo, sed soveta okupacio (1940) malhelpis la eldonon. Tradukinto kaj aperiginto de "E-gramatiko" (16 reguloj), aŭtoro de versaĵaro "Violetoj" (1938), aŭtoro de multaj artikoloj pri paco kaj Esperanto, publikigitaj en Esperanto. Ĝis la morto loĝis en diversaj lokoj de Siberio. Siajn verkojn B. Giedra iam subskribadis per pseŭdonimo Paca Batalanto.

Verkoj

• Violetoj. Eld. Litova Esperanta Asocio, Kaunas, 1939(?)

„ Kolekto de 50 poemoj, originalaj aŭ tradukitaj. Eĉ se ili ne estas geniaj, ili estas almenaŭ legeblaj kun plezuro, kaj montras bonan promeson por la estonteco. Ni rekomendas en dua eldono forstreki tridekon da nenecesaj “l ” kaj aliaj eliziaĵoj, facile forigeblaj. Specimenaj versoj: Kiam floras la juneco, kaj la sango bolas, Mankas mono, mankas ĉio, kion koro volas, Kiam venas maljuneco, malaperas forto ; Kvazaŭ spite ekaperas mono kaj komforto.  ” — La Brita Esperantisto - Numero 408, Aprilo (1939)

Fonto

• Povilas Stašys, Litova Stelo, 1997, julio-aŭgusto, n-ro 4, pĝ. 27.