Bamio
(Alidirektita el Bami Goreng)
Bamio (Indonezie: Bami Goreng = Fritita bamio) estas ĉindevena indonezia manĝaĵo. Ĝi konsistas el nudeloj kun porkaĵo (aŭ alia viando) kaj legomoj kun spicoj. Ĝi estas enkondukita de la en Indonezio loĝantaj ĉinoj. Post 1947 kiam Indonezio fariĝis sendependa multaj loĝantoj iris al Nederlando kaj kunprenis iliajn manĝkutimojn. Nun la indonezia kuirarto estas tre konata en Nederlando. Kvankam la bamio de origine enhavas porkaĵon (oni diras ke la vorto devenas de la ĉina "ba" (porko) kaj "mi" (nudeloj)) ĝi ankaŭ foje estas preparita kun kokaĵo aŭ sen viando ekzemple kun tofuo.
