Barmen estas iama industria metropolo de la regiono de Bergisches Land (la historia duklando Berg), Germanio, kiu kunfandis kun kvar aliaj urboj en 1929 por formi la urbon Wuppertal. Barmen estis la loko de naskiĝo de Friedrich Engels kaj kune kun la apuda urbo Elberfeld fondis la unuan elektran pendan monorelan tram-sistemon, la ŝvebotrajnon Schwebebahn. Barmen estis pionira centro por la frua industria revolucio sur la eŭropa kontinento, kaj por la socialisma movado kaj ĝia teorio. Ĝi estis la loko de unu el la unuaj koncentrejoj en nazia Germanio, KZ Wuppertal-Barmen, poste pli bone konata kiel koncentrejo Kemna.

Barmen en 1870
Vidu ankaŭ Barmen (apartigilo)
Historia luksa vagono de la ŝvebotrajno

La loĝloko estas la fondoloko de du grandaj prisanaj asekuroj de Germanio, nomataj Barmer kaj Barmenia.

Oberbarmen (Supra Barmen) estas la orienta parto de Barmen, kaj Unterbarmen (Malsupra Barmen) la okcidenta parto.