| „ En la epoko de l’ emancipacio estis i. a. la sciencaj korifeoj Baco de Verulam, Descartes, Galileu, Newton la ĉefaj pioniroj de l’ moderna naturscienca esplormetodo.
„Por la scienco povas ekzisti nenio supernatura, pli ĝuste ĉiuj fenomenoj estas klarigeblaj per naturaj kaŭzoj, al kies plena ekkono estas kapabla la prudento, sen helpo de ia revelacio.“
Ke la fama klinikisto el la glora periodo de l’ Wien-a medicina skolo klarigas la fazon
de mortado laŭ naturscienca vidpunkto, tio estas evidenta. Ke Nothnagel, kies devizo
estis, ke „nur bona homo povas esti bona kuracisto“ elektis ĉi tiun temon por publika
parolado, deduktante en ĝi sur la bazo de fiziologia esplorado, ke la tiom timata mortado ne estas tjel terura, kiel la homoj ĝenerale ĝin konsideras, tio pruvas ankaŭ lian profunde humanecan senton.
Ni gratulas al la tradukinto, ke li elektis ĉi tiun, en germana lingvo aperintan, paroladon, por tutmonde diskonigi ĝin per nia lingvo. Honorante per tio la rememoron al la fama scienculo, samtempe li pliriĉigis nian literaturon per vere ŝatinda popularscienca verko, kiaj bedaŭrinde ankoraŭ sufiĉe mankas al nia legantaro. La traduko estas perfekta. Kelkaj germanaj idiotismoj kaj superfluaj „la“-oj absolute ne genas kaj estas en noveldono facile eligeblaj.
Ĉiu, kiu ŝatas vere altspiritan kaj klerigan legaĵon, havigu al si la altvaloran broŝuron
kaj klopodu eĉ disvastigi ĝin. ” |
