Blublanka muŝkaptulo
La Blublanka muŝkaptulo, Cyanoptila cyanomelana estas migranta birdo de la familio de Muŝkaptuledoj. Ĝi estas monotipa, tio estas la ununura specio de la genro. Ili reproduktiĝas en Japanio, Koreio kaj en partoj de Ĉinio kaj Rusio. Ili vintrumas en Sudorienta Azio, ĉefe en Vjetnamio, Kamboĝo, Tajlando, Sumatro kaj Borneo.
 | ||||||||||||||
|---|---|---|---|---|---|---|---|---|---|---|---|---|---|---|
 Blublanka muŝkaptulo, masklo
 Blublanka muŝkaptulo, ino
| ||||||||||||||
| Biologia klasado | ||||||||||||||
| ||||||||||||||
| Cyanoptila cyanomelana (Temminck, 1829) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Blublanka muŝkaptulo estas iom simila al aligenra Bluflanka muŝkaptulo, Ficedula superciliaris, je tio ke kombinas bluajn suprajn partojn kun blankaj subaj partoj, sed anstataŭ klare markitaj bluaj flankoj, tiu ĉi specio montras tre brilbluajn gorĝon kaj supran bruston, kiu estas limigita de tre klare markata rekta bordo kun la suba brusto kiu estas tre blanka same kiel la ventro. En vizaĝo kaj flugiloj estas nigrecaj aŭ pli malhelbluaj nuancoj. La bluaj koloroj nomigas la specion en la latina scienca nomo kie la radiko "kianos" el la antikva greka aperas kaj en la genro kaj en la specio, dum en Esperanto pli klaras la kombino inter la du ĉefaj koloroj. La beko estas mallonga kaj akrapinta kiel ĉe plejparto de Muŝkaptuledoj.
Referencoj
redakti- IUCN2006, BirdLife International, 2004, 51703, Cyanoptila cyanomelana, 12a Majo 2006. Malplej zorgiga
- Del Hoyo, J.; Elliot, A. & Christie D. (editors). (2006). Handbook of the Birds of the World. Volume 11: Old World Flycatchers to Old World Warblers. Lynx Edicions. ISBN 84-96553-06-X.