Consolidated Edison

Consolidated Edison, Inc., ofte konata kiel Con Edison aŭ Con Ed, estas unu el la plej grandaj investist-posedataj energiaj kompanioj en Usono, kun proksimume 12 mil milionoj da usonaj dolaroj en jaraj enspezoj ekzemple en 2017, kaj ĉirkaŭ 48 mil milionoj en havaĵo. LA kompanio havigas ampleksan gamon de energi-rilataj produktoj kaj servoj al siaj klientoj pere de siaj filioj:

• Consolidated Edison Company of New York, Inc., (CECONY), publika serventrepreno kiu havigas elektran kaj gasan servon en Novjorko kaj la kantono Westchester, kaj vaporservon en la kvartalo Manhatano;
• Orange and Rockland Utilities, Inc., publika serventrepreno kiu havigas servon al klientaro en areo de 3,400 km² en sudorienta Novjorkio kaj norda Nov-Ĵerzejo;
• Con Edison Solutions, energiserva kompanio;
• Con Edison Energy, energiserva kompanio;
• Con Edison Development, kompanio kiu posedas kaj funkcias renovigeblajn kaj energi-infrastrukturajn projektojn, kaj,
• Con Edison Transmission, Inc., kiu investas en projektoj por transsendo de elektro kaj tergaso (fosilia gaso)

Consolidated Edison
Consolidated Edison, Inc.
negoco • entrepreno • publika kompanio • holdingo vd
Dum	1936 - nekonata/nuntempe
Antaŭulo	Consolidated Edison Company of New York
Jura formo	akcia kompanio
Sidejo	Manhatano
Lando	Usono
Dungitoj	15 591 (stato: 2017)
Agokampo	elektro
ISIN-kodo	US2091151041
filiaj kompanioj	Consolidated Edison Company of New York vd
Premioj • Silver Anvil Award vd
TTT	Oficiala retejo

En 2015, elektraj enspezoj estis 70.35% el la plifirmigitaj vendoj (70.55% en 2014); gasaj enspezoj 13.61% (14.96% en 2014); vaporenspezoj 5.01% (4.86% en 2014); kaj neservaj enspezoj 11.02% (9.63 en 2014%). Kvankam la kompanio havigas nemalhaveblan servon al Novjorkanoj, nombraj gravaj okazoj kaj servoproblemoj negative tuŝis ĝian reputacion flanke de la publiko.