Jean-Dominique Gautier
Franca reĝisoro de dokumentaj filmo
(Alidirektita el Dominique Gautier)
Jean-Dominique GAUTIER, esperante Johan-Dominiko Gaŭtiero,[1] estas franca reĝisoro de dokumentaj filmoj, naskiĝinta en Bordozo en 1953.
| Jean-Dominique Gautier | |
|---|---|
| Persona informo | |
| Naskiĝo | 30-an de novembro 1952 (71-jaraĝa) en Bordeaux |
| Lingvoj | franca |
| Ŝtataneco | Francio |
| Okupo | |
| Okupo | filmreĝisoro |
Aktiva jam de trideko da jaroj, Dominiko Gaŭtiero specialiĝis en realigo de filmoj pri socia historio, kaj aparte pri la socia historio de la sud-okcidenta franca regiono Bearno kaj pri la batalantoj de la Hispana Enlanda Milito. Li kunlaboras jam de longa tempo kun la franca historiisto Jean Ortiz.
Lia filmo Guerrillero de 1996 ricevis la premion Jean Rouch en la Festivalo de la filmo pri Esplorado organizita de CNRS (Nacia Ceentro pri Scienca Esplorado) de Nancy, kaj la premion François Schachter en Parizo, en 1997. En la frua 2010aj jaroj, li verkis la filmon Esperanto, dokumenta filmo pri la Esperanto-Movado, por la eldonkooperativo de SAT.
Filmografio redakti
| Titolo – Traduko – Priskribo | Jaro | Daŭro | Produktanto |
|---|---|---|---|
| Louis Barthou – Rememoro pri la politika homo en sia Bearno. | 1982 | 16 min | OREP kaj Departementa Konsilantaro de la departemento Pyrénées-Atlantiques |
| Francis Jammes – Rememoro pri la verko de la poeto. | 1986 | 26 min | |
| Joseph Peyré – Rememoro pri la vivo kaj verko de la verkisto. | 1987 | 26 min | |
| Aspe, une vallée en sursis – Aspe, valo en prokrastita danĝero – Engaĝita filmo farita ĉefe en la valo de Maurienne. Produktanto estis kolektivo de la Valo de Aspe kontraŭ la tunelo de Somport: tunelo de Fréjus.[klarigu] | 1995 | 35 min | Collectif de la vallée d’Aspe contre le projet du tunnel du Somport |
| Guerrillero – Gerilisto – La rolo de la hispanaj rezistantoj dum la Dua Mondmilito en Pireneoj. Premio Jean Rouch en la Festivalo de la filmo pri Esplorado, kaj Premio François Schachter, ambaŭ en 1997. | 1996 | 52 min | Les Films Jack Fébus |
| 1998 | 26 min (versio) | Les Films Jack Fébus kaj France 3 Sud | |
| Musique pour sonnailles – Muziko por tintiloj – Kreo de muzika spektaklo miksanta la okcitanan paŝtistan tradicion (kanzonoj kaj rakontoj), perkutinstrumentojn kaj elektro-akustikan muzikon. | 1999 | 52 min | Les Films Jack Fébus |
| Eth Renom – Kroniko pri la kreo de "Pastoralo", tradicia spektaklo, fare de la vilaĝo de Lanne-en-Barétous en la Atlantikaj Pireneoj. | 1999 | 26 min | |
| Station debout pénible – Peniga stara pozicio – Atesto de fizikaj handikapuloj pri siaj vivkondiĉoj. | 2000 | 26 min | |
| Paroles de pères – Paroloj de patroj – La patreco tra atestoj de ordinaraj patroj. | 2002 | 52 min | Creav / Les Films Jack Fébus |
| Les maquis de l'impossible espoir – La makisoj de la neebla espero – De 1940 ĝis 1957, hispanaj respublikanoj, kiuj rifuzas la venkon de Franco, organizas heroan rezistadon en Kantabrio; du postvivintoj atestas. | 2003 | 52 min | |
| Espejo rojo kaj Rouge Miroir – Ruĝa Spegulo – Vivovojo de hispana respublikano tra la jarcento kaj Eŭropo, de la jaroj 1920 ĝis nun. Rouge Miroir estas versio verkita kun Jean Ortiz, de 2007. | 2005 | 75 min | Creav / Université de Paŭo / Diputación de Cordoba |
| 2007 | 78 min | Kun Jean Ortiz | |
| Le Cri du Silence – La Krio el Silento – La kroniko pri la eltombigo, en junio kaj julio 2004, de 22 kadavroj ĵetitaj fare de la frankistoj en du komunaj fosaĵoj de la vilaĝo de Santaella, en proksimeco de Kordovo. | 2006 | 62 min | Creav / Universitato de Paŭo |
| Confidences cubaines – Kubaj konfidencoj – Serio da renkontiĝoj kun anonimaj kubanoj, ĝenerala stato pri la ĉiutaga vivo nun en Kubo. | 2007 | 70 min | Creav |
| Laïcité – Sekulareco, eksterreligieco – Ĝenerala stato de la leĝo de 1905 (pri libereco krei asociojn) kaj pripensoj pri ĝiaj rekonsideroj. Interparolo kun Henri Pena Ruis kaj Jean-Paul Scott, inter aliaj. Inter la produktantoj troviĝas La libre pensée – La Libera Penso. | 2007 | 52 min | Cumamovi / La libre pensée / Ĝenerala Konsilantaro de Akvitanio |
| Paroles d'anciens – Vortoj de maljunuloj – Serio da atestoj de aĝaj personoj inter 77 kaj 96 jaroj pri la hodiaŭaj kondiĉoj de maljuniĝo. | 2008 | 63 min | Creav / Ciapa |
| Fils de Rojo – Filo de ruĝulo – Portreto de Jean Ortiz,[mankas fonto] filo de hispana respublikano engaĝita en la batalo por la historia memoro kaj la postuloj de la Tria Respubliko. | 2009 | 52 min | Creav / Les Films Jack Fébus / France 3 Aquitaine |
| Lo que me contó abuelito – Tio kion rakontis mia aveĉjo – Historio pri la bearna elmigrado en Argentino en la 19a kaj 20a jarcentoj | 2009 | 65 min | Creav / Cumamovi |
| Caimanes, Los sin agua – La Senakvuloj | 2011 | 9 min | Kun Jean Ortiz |
| Esperanto (Esperantofilmo.com) – Dokumenta filmo pri Esperanto-movado | 2011 aü 2013 | 66 min | SAT-EFK |
| Companeras | 2015 | 75 min | Kun Jean Ortiz |
| Comme un gâteau mal coupé | 2018 | 53 min | |
| Parlons utopie | 2018 | 75 min |
Fontoj redakti
Plejparto el la informoj de tiu ĉi artikolo fontas el la franclingva versio de Vikipedio.
- ↑ Kiel traduki.... Arkivita el la originalo je 2015-09-24. Alirita 2012-02-29.
Eksteraj ligiloj redakti
- Esperanto Arkivigite je 2010-07-21 per la retarkivo Wayback Machine – dokumenta filmo pri Esperanto-movado (esperante)
- Nekompleta filmografio ĉe Unifrance (france)
- Katalogo Arkivigite je 2010-02-13 per la retarkivo Wayback Machine de la filmoj de Gautier (france)
- Artikolo[rompita ligilo] en L'Humanité en kiu la scenigisto elvokas siajn unuajn verkojn kaj siajn motivadojn (france)
- Libera tribuno[rompita ligilo] aperinta en L'Humanité sub la subskribo de Gautier (france)