Eleanora de Clare
Eleanora de Clare (n. la 3-an de oktobro 1292, m. la 30-an de junio 1337) estis angla nobelino kiu edziĝis al Hugo Despenser (la pli juna).
| Eleanora de Clare | ||
|---|---|---|
| ||
| Persona informo | ||
| Eleanor de Clare | ||
| Naskiĝo | 3-an de oktobro 1292 en Caerphilly | |
| Morto | 30-an de junio 1337 (44-jara) en Monmouth | |
| Tombo | Tewkesbury Abbey [#] | |
| Lingvoj | angla [#] | |
| Ŝtataneco | Reĝlando Anglio • Kimrio [#] | |
| Familio | ||
| Dinastio | De Clare family [#] | |
| Patro | Gilbert de Clare, 7th Earl of Gloucester [#] | |
| Patrino | Johana de Akko [#] | |
| Gefratoj | Margaret de Clare • Elizabeth de Clare • Gilbert de Clare, 8th Earl of Gloucester • Mary de Monthermer • Joan de Clare [#] | |
| Edz(in)o | Hugo Despenser • William la Zouche, 1st Baron Zouche of Mortimer [#] | |
| Infanoj | Elizabeth le Despenser, Baroness Berkeley • Edward le Despenser • Margaret le Despenser • Hugh le Despenser • Isabel le Despenser, Countess of Arundel • Éléonore le Despenser • Joyce la Zouche [#] | |
| [#] | Fonto: Vikidatumoj | |
Naskiĝo kaj gepatrojRedakti
Eleanora naskiĝis ĉe Caerphilly, Glamorgan, Kimrio kaj estis la plej aĝa filino de Gilberto de Clare (6-a grafo de Hertford) kaj Johana de Akko, filino de Eduardo la 1-a (Anglio).
Edziĝo al Hugo DespenserRedakti
Majon 1306, ĉe Abatejo Westminster, Eleanora edziĝis al Hugo Despenser (la pli juna). Ŝia avo Eduardo la 1-a faris nuptan donacon de du mil pundoj.
Eleanora kaj Hugo Despenser havis naŭ idojn:
- Hugo (1308-1349)
- Gilberto (1309-1381)
- Eduardo (1310-1342), kiu mortis batalante en Francio
- Izabela (1312-1356), kiu edziĝis al Rikardo Fitz-Alan (10-a grafo de Arundel)
- Johano (1311-1366)
- Eleanora (ĉ.1315-1351), kiu iĝis monaĥino
- Johana (ĉ.1317-1384), kiu eniris Abatejon Shaftesbury
- Margareta (ĉ.1319-1337), kiu iĝis monaĥino
- Elizabeta (1325-1389), kiu edziĝis al Maŭrico de Berkeley (4-a barono Berkeley)
MalliberiĝoRedakti
Malfrue de la 1310-a jardeko Hugo Despenser iĝis favorato de Eduardo la 2-a (Anglio) kaj potencegiĝis. Tamen multaj nobeloj malamis lin. Fine en 1326 la angla reĝino, Izabela de Francio, kaj ŝia amorato Roĝero Mortimer (1-a grafo de March) invadis Anglion kaj faligis Hugon, kiu kruele ekzekutiĝis la 24-an de novembro tiun jaron. Eleaonara mem malliberiĝis an la Turo de Londono ĝis februaro 1328. Aprilon 1328 ŝi regajnis siajn bienojn.
Dua edziĝoRedakti
Januaron 1329 Vilhelmo de la Zouche, kiu helpis kapti Hugon Despenser, forrabis Eleanora: tute ne certas ĉu ŝi volonte konsentis al tio. Ili geedziĝis. La regento de Anglio, Roĝero Mortimer, denove konfiskis ŝiajn bienojn kaj malliberigis ŝin en la Turo de Londono. Krom geedziĝo sen reĝa permeso, ŝi akuziĝis pro ŝtelo de juveloj en la Turo. Januaron 1330 ŝi pardoniĝis kontraŭ transdono al la reĝo de la plejparto de siaj bienoj: estis decidate ke ŝi regajnus ilin nur se ŝi pagus la grandegan sumon de 50 mil pundoj ene de unu tago.
Post nelonge Eduardo la 3-a faligis kaj ekzekutis Roĝeron Mortimer. En 1331 Eduardo redonis ŝiajn konfiskitajn bienojn kontraŭ dek mil pundoj (poste malpligrandigitaj al kvin mil) pageblaj en partoj. La plejparton restis nepagita kiam Eleanora mortis.
Tamen daŭre estis tiklaĵo. Alia nobelo asertis ke li edziĝis al Eleanora antaŭ Vilhelmo de la Zouche, kaj plurajn fojojn apelaciis la papon. Tiu fine faris juĝon favoran al Vilhelmo de la Zouche.
Vilhelmo mortis februaron 1337. Li kaj Eleanora havis du idojn:
- Vilhelmo (n. 1330, m. post 1360), kiu iĝis monaĥo de Abatejo Glastonbury
- Joyce (n. 1331, m. post la 4-a de majo 1372), kiu edziĝis al Johano (2-a barono Botetourt)