Elle (pronomo)
seksneŭtrala hispana pronomo
La pronomo elle estas proponita seksneŭtrala homa triapersona pronomo por la hispana lingvo. Ĝi estas uzata, precipe en feminismaj kaj GLAT-aj rondoj, por personoj de neduuma sekso, personoj de nekonata sekso, ĝeneralaj personoj kaj seksmiksitaj grupoj. Ĝia plurala formo estas regule formita per aldono de s: elles. Ĝi ne estas oficiale aprobita de Real Academia Española (RAE).
RAE aldonis la vorton "elle" al sia vorto-observatorio la 27-an de oktobro 2020. Sed kelkajn tagojn poste ili tamen forigis ĝin, ĉar la celo de tiu observatorio ankoraŭ ne estis klara kaj decidita.
Uzoj redakti
La uzado de la pronomo elle similas al la uzado de la pronomo ri en Esperanto. Ĝi havas pli ol unu uzo, ili estas:
- Por priparoli personon, kiu ne identiĝas ekskluzive kiel vira aŭ ina. Ekzemple: "Elle es mi amigue, es no binarie." (Ri estas mia amiko, ri estas neduuma.)
- Por priparoli grupon de personoj, kiu enhavas pli ol unu sekso. Ekzemple: "Elles son mis hermanes, dos son varones y una es mujer." (Ili estas miaj gefratoj, du estas viroj kaj unu estas virino.)
- Por priparoli ĝeneralan personon. Ekzemple: "Si alguien viaja en autobús, elle debe pagar el pasaje." (Se iu vojaĝas per buso, ri devas pagi la vojaĝon.)
- Por priparoli iun, kies sekson oni ne volas antaŭsupozi. Ekzemple: "¿Tienes novie? ¿Elle es mayor que tú?" (Ĉu vi havas koramikon? Ĉu ri estas pli maljuna ol vi?)
Vidu ankaŭ redakti
- Ununombra they: simila pronomo en la angla
- Hen: simila pronomo en la sveda
