Erich August Mayer
Erich August MAYER (naskiĝinta la 23-an de aŭgusto 1894 en Vieno, mortinta samloke la 9-an de aprilo 1945) estis aŭstra verkisto. Lia familio havis sudetgermanajn radikojn.
Vivo redakti
Estante filo de gimnaziinstruisto li ekstudis en 1912 ĉe la Universitato de Vieno germanistikon, historion kaj geografion. Li soldatis kiel volontulo dum la Unua mondmilito. Doktoriĝo pri filozofio sukcesis en 1921. Poste li instruistis mezlerneje; tiam li estris la vienan filion de la kulturkonserva klubo Deutscher Schulverein. Gravis por lia pli posta evoluo kontaktoj al personoj de la t.n. Morold-rondo ĉirkaŭ la germannaciema verkisto Max von Millenkovich kiel ankaŭ al la eldonisto Adolf Luser. Luser komisiis lin en 1923 pri la ĉefredaktorado de la tutfamilia periodaĵo Der getreue Eckart kiu iĝis furora dum la Unua respubliko de Aŭstrujo.
En 1927 Mayer fondis la kulturligon Eckart-Bund zur Förderung der schönen Künste kiu ja ideologie tre proksimis de nacisocialismo. En la 1.7.1932 li iĝis membro de NSDAP (membronumero 1.205.802).[1][2] Mallonge antaŭ la fino de la Dua mondmilito li memmortigis sin. Entombigis oni lin sur la viena tombejo Südwestfriedhof.
Graveco redakti
Mayer kreis romanojn, rakontojn kaj epopeojn. Interesas la evoluo - kiu rekte sekveblas en la sinsekvo de la verkoj - de milda socikritikado ĝis malmilda demokrati-malŝato. La pli malfruaj romanoj Heimat kaj Der Knecht apartenas al la literatura ĝenro de Blut und Boden. La lasta verko ĝis 1946 estis malpermesita en la sovetie okupita zono.
Por la heksametra epopeo Paulusmarkt 17 oni aljuĝis al Mayer apogpremio de Österreichischer Staatspreis für Literatur.
Verkoj redakti
- Wielands Verhältnisse zu Hamilton und Crebillon, Wien 1921 (sub la nomo Erich Mayer)
- Raccolana, Wien 1923
- Flammen, Berlin 1928
- Gottfried sucht seinen Weg, Wien 1929
- Werk und Seele, Wien 1930
- O, ihr Berge!, Berlin [k.a.] 1931
- Der Schuß in der Großen Oper, Berlin 1932
- Paulusmarkt 17, Wien 1935
- Der Umweg, Wien [k.a.] 1937
- Heimat, Gütersloh 1939
- Der Knecht, Wien 1940
- Vergnügte Welt, Gütersloh 1941
- Schach dem Tode!, Wien 1942
- Der Engel, Wien 1944
Eldonistece redakti
- Robert Hohlbaum: Wiener Novellen, Wien 1924
Referencoj redakti
Literaturo redakti
- biografio ĉe ÖBL
- Elfriede Huetter: Monographie über den Dichter Erich August Mayer, Wien 1945
- Hermann Böhm: Erich August Mayer, Wien 1980
Eksteraj ligiloj redakti
- Informoj pri Erich August Mayer en katalogo de la Germana Nacia Biblioteko (germane)
- postlasitaĵoj ĉe Aŭstria Nacia Biblioteko Arkivigite je 2016-03-04 per la retarkivo Wayback Machine
- verkoj ĉe Projekt-Gutenberg